Së fundmi supermodelja Gisele Bundchen ka blerë një shtëpi në vlerën e 8 milionë eurove në Southwest Ranches, që ndodhet në veriperëndim të Miamit. Prona mahnitëse me 9 dhoma gjumi, e cila shtrihet në 7.5 hektarë tokë, vjen me një fushë futbolli dhe disa fusha tenisi. Shtëpia ka gjithashtu 10 stalla të mëdha kuajsh.
Pas ndarjes së saj tronditëse nga Tom Brady, me të cilin ndan djalin e saj Benjamin, 13-vjeç dhe vajzën Vivian, 10-vjeçe, Bundchen filloi të mbikëqyrte ndërtimin e një prone vetëm disa minuta larg vendit të tij.
Bundchen bleu rezidencën me pesë dhoma gjumi, 6600 metra katrorë në Miami Beach më 6 tetor, vetëm disa javë përpara se çifti të finalizonte divorcin.
Ndërkaq, fansat e supermodeles më në fund do të hedhin një vështrim në dietën e yllit të pasarelave pasi 43-vjeçarja njoftoi në Instagram se po publikon një libër gatimi. Modelja e bëri njoftimin duke shtuar se do të zbulojë gjithashtu disa nga ritualet e kujdesit për veten.
Ky njoftim vjen ndërsa thashethemet vazhdojnë të qarkullojnë se Bundchen po takohet me instruktorin e saj, Joaquim Valente. Të dy banojnë në Miami dhe janë fotografuar shpesh së bashku, megjithëse Gisele kohët e fundit pranoi se qëndronte larg syrit të publikut që nga divorci me Tom.
