Pas përfundimit të historisë së dashurisë me Belen Rodriguez, Antonino Spinalbese, i cili ka edhe një vajzë me yllin televiziv ka folur përsëri për lidhjen e tyre. Antonino vlen të theksojmë se do të bëhet pjesë e shtëpisë së Grande Fratello VIP. Gjatë një bisede me spikerin e radios Charlie Gnocchi, Spinalbese ka risjellë në vëmendje historinë e tij të dashurisë me Belen duke shpjeguar se pse sipas tij lidhja nuk mund të funksiononte.
Ne vërtet gabuam që zgjodhëm njëri-tjetrin, por siç e shihni, pa atë gabim, nuk do ta kisha vajzën time. Nëse nuk do të kisha vajzën time, sot do të isha larguar jashtë vendit. Jam mirë, jam vërtet i shëndetshëm. Tani jam kthyer vërtet në atë që kam qenë, jam i lumtur. Kam vuajtur nga thashethemet rreth meje dhe Belen. Edhe bota e fotografëve, gjykimeve, familjarëve, kishte vërtet shumë probleme, shumë!
Për Antonino-n këto probleme kishin të bënin me dy botët krejtësisht të ndryshme. Rikujtojmë, se së fundmi, Antonino ishte i ftuar në “Italian Stories” dhe gjatë intervistës me Eleonora Daniele ka treguar disa detaje nga jeta e tij, mes të cilave edhe sëmundjen nga e cila vuan.
Unë kam pankreasin e një të moshuari dhe për disa kohë jam ushqyer me infuzione.
Megjithëse Belen dhe Antonino nuk janë më bashkë dhe vazhdojnë jetët e tyre të ndara, të dy janë shumë të përkushtuar ndaj Lunës. Belen Rodriguez është rikthyer përsëri me Stefano De Martino. Prezantuesja prej disa kohësh është parë fillimisht me aktorin Michele Morrone, më pas me ish të dashurin Andrea Iannone dhe më në fund me ish-bashkëshortin Stefano De Martino.
