Personi mesatar urinon nga gjashtë deri në shtatë herë në 24 orë, por nga katër deri në 10 ende konsiderohet i shëndetshëm. Ndonëse mund të jetë diçka që ne të gjithë e bëjmë rregullisht, ekzistojnë disa zakone të banjës që shumë njerëz i kanë që mund të jenë të rrezikshme. Një eksperte tregoi për tre gjëra që duhet t’i shmangim kur shkojmë në tualet. Sipas mjekes Masarat Jilani, disa zakone mund të jenë të dëmshme gjatë procesit të urinimit, të dobësojnë fshikëzën tuaj dhe t’ju lënë të prekshëm ndaj infeksioneve. Këto përfshijnë urinimin me shtytje, urimin “thjesht që duhet ta kryeni për çdo rast” dhe mbajtja e urinës.
Zbrazja e fshikëzës suaj duhet të jetë e lehtë, nuk duhet të ndjeni nevojën për të tendosur muskujt ose për të shtyrë për të urinuar. “Kur e bëni me forcë, në fakt aktivizoni muskujt e legenit, kur në realitet duhet t’i relaksosh”-paralajmëroi Dr. Jilani.
Me kalimin e kohës kjo mund të ngatërrojë fshikëzën tuaj duke i mësuar muskujt tuaj të bëjnë të kundërtën e asaj që duhet të bëjnë natyrshëm. Në vend të kësaj, shkoni me rrjedhën dhe mos e ndërprisni kurrë. Nëse ju duhet ta shtyni veten për të urinuar, kjo mund të jetë një shenjë se diçka nuk është në rregull me ju kështu që ia vlen të flisni me mjekun tuaj.
Shkuarja në banjë “thjesht për ta kryer” është një tjetër zakon “i keq” i fshikëzës. Shkuarja në tualet, vetëm sepse ke për të bërë një udhëtim të gjatë me makinë, ose nuk dëshiron të zgjohesh natën, mund të duket si gjë e arsyeshme. “Fatkeqësisht fshikëza juaj nuk funksionon kështu, duke e bërë këtë një veprim të zakonshëm të planifikimit të kohës mund të shkaktojë që fshikëza juaj të bëhet tepër aktive”-tha Dr Jilani.
Në vend të kësaj, gjithmonë dëgjoni trupin tuaj dhe shkoni vetëm kur ju duhet, edhe nëse është e papërshtatshme. Gjithmonë do të ketë raste kur ju duhet ta mbani atë për një periudhë të shkurtër kohe. Mbajtja e urinës nganjëherë nuk do të shkaktojë ndonjë problem. Megjithatë, bërja e zakonit për të injoruar sinjalet e trupit tuaj që duhet të urinojë do të krijojë probleme me kalimin e kohës. Nëse e bëni zakon ta mbani, do ta dobësoni fshikëzën tuaj me kalimin e kohës, gjithashtu mund t’ju bëjë më të prirur ndaj infeksioneve të traktit urinar. Kjo ndodh sepse kur nuk e zbrazni fshikëzën tuaj shpesh, bakteret e pranishme në traktin tuaj urinar kanë më shumë gjasa të kolonizohen dhe të çojnë në infeksion. Kjo mund të ndodhë edhe kur nuk pini mjaftueshëm ujë, prandaj mos harroni të qëndroni të hidratuar dhe të gjeni kohë për shkuarje të rregullta në banjë.
