Jennifer Lopez dhe Ben Affleck po divorcohen pas dy vitesh martesë. Këngëtarja dhe aktorja ka paraqitur kërkesën për divorc nga Affleck më 20 gusht, sipas dokumenteve gjyqësore. Lopez dorëzoi dokumentet në Gjykatën e Lartë të Los Angelesit.
Çifti nuk ka pasur një kontratë paramartesore, sipas një burimi pranë këngëtares. Burimi konfirmoi për ‘NBC News’ se Lopez është paraqitur pa avokat. Data 20 gusht, është domethënëse në atë që ndodh të jetë përvjetori i martesës së dytë të Affleck dhe Lopez në Georgia.
Ben Affleck u fotografua pa unazën e tij të martesës disa orë pasi Jennifer Lopez bëri kërkesë për divorc në përvjetorin e tyre të dytë të martesës. Aktori u pa duke u larguar nga zyra e tij në Los Anxhelos, Kaliforni, menjëherë pasi u raportua se JLo bëri kërkesë për divorc.
Ben nuk po buzëqeshte fare dhe dukej i trishtuar. Aktori fitues i çmimit Oscar nuk kishte mbajtur unazën e tij të martesës. Ky lajm vjen pasi u përhapën thashethemet për një ndarje të mundshme dhe të dy nuk ishin parë aq shpesh së bashku. Çifti u takua për herë të parë dhe u fejua në vitin 2002, por u ndanë në vitin 2004. Affleck u martua me aktoren Jennifer Garner, me të cilën ka tre fëmijë.
Ata u ndanë në vitin 2015 pas 10 vitesh martesë dhe finalizuan divorcin në vitin 2018. Lopez u martua me Marc Anthony në 2004 dhe mirëpriti binjakët me këngëtarin në vitin 2008. Ata u divorcuan në vitin 2014. Ylli i “Hustlers” ishte gjithashtu e martuar më parë me aktorin Ojani Noa dhe balerinin Cris Judd dhe ishte e fejuar me Alex Rodriguez.
