Të ashtuquajturat “foshnjat Covid” janë zbuluar se kanë mikrobe më të dobishme të marra nga nënat e tyre pas lindjes. Karantina gjatë pandemisë çoi në dy ndryshime në trupin e foshnjave që mund t’i kenë mbrojtur ata nga sëmundjet dhe alergjitë. Kjo sipas një studimi të ri të botuar në revistën Alergy. Gjetjet theksojnë përfitimet shëndetësore të zorrëve si rezultat i izolimit gjatë Covid-19, duke përfshirë shkallën më të ulët të infeksionit, përdorimin e mëvonshëm të antibiotikëve dhe kohëzgjatjen e dhënies së gjirit.
Studiuesit nga Universiteti i Cork në Irlandë zbuluan se fëmijët e lindur ndërsa bota ishte në izolim për shkak të Covid-it kishin një mikrobiom të ndryshuar të zorrëve, një ekosistem i baktereve ‘të mira’ dhe ‘të këqija’ në zorrë që ndihmojnë tretjen, shkatërrojnë bakteret e dëmshme dhe ndihmojnë sistemin imunitar..
U zbulua se mikrobioma është më e mirë tek foshnjat. Studiuesit besojnë se të ashtuquajturit “foshnjat Covid” kanë më pak kushte alergjike se sa pritej, siç janë alergjitë ushqimore, krahasuar me foshnjat e lindura para pandemisë. Ata gjithashtu kishin nevojë për më pak antibiotikë për të trajtuar sëmundjen. Janë analizuar 351 mostra jashtëqitje nga foshnjat e lindura në Irlandë në tre muajt e parë të pandemisë, midis marsit dhe majit 2020.
Këto mostra u krahasuan me ato nga foshnjat e lindura para pandemisë. Sondazhi përdori pyetësorë online për të mbledhur informacion mbi dietën, mjedisin në shtëpi dhe shëndetin. Mostrat e jashtëqitjes u mblodhën nga fëmijët e moshës 6, 12 dhe 24 muajsh dhe testimi i alergjisë u bë tek fëmijët e moshës 12 dhe 24 muajsh.
Foshnjat e lindura gjatë pandemisë kishin shkallë më të ulët të alergjive. Rreth pesë për qind e “foshnjave Covid” zhvilluan një lloj alergjie ushqimore në moshën 1 vjeçare, ndërsa 22.8 për qind e foshnjave të lindura para pandemisë kishin një alergji ushqimore. Studiuesit besojnë se nënat i kaluan mikrobe të dobishme foshnjave të tyre gjatë shtatzënisë dhe ata morën mikrobe shtesë pas lindjes. Studimi zbuloi se foshnjat e lindura gjatë karantinës kishin më pak infeksione sepse nuk ishin të ekspozuar ndaj baktereve dhe mikrobeve.
Kjo do të thoshte se ata gjithashtu kishin nevojë për më pak antibiotikë, të cilët vrasin bakteret e mira, gjë që automatikisht çon në një mikrobiomë më të mirë të zorrëve. Gjithashtu, “foshnjat Covid” ushqeheshin më gjatë me gji, gjë që u dha atyre avantazhe shtesë. Nga “foshnjat Covid”, vetëm 17% kishin nevojë për antibiotikë në vitin e parë të jetës, ndërsa deri në 80% e foshnjave të lindura para pandemisë morën antibiotikë në vitin e parë të jetës.
