Një dhëndërr xheloz rus ka vrarë gruan me të cilën sapo ishte martuar, duke e rrahur për vdekje në sy të të ftuarve. 35-vjeçari Stepan Dolgikh u bë xheloz sepse gruaja e tij, 36-vjeçarja Oksana Poludentseva komunikoi me një të ftuar në një mënyrë që atij nuk i pëlqeu. Ngjarja ka ndodhur në Novosibirsk.
Vrasësi i tha gjykatës se ishte i bindur që nusja e tij e tradhtonte me dikë tjetër. Dolgikh ka qenë më parë i dënuar për vrasje, por gruaja e tij, të cilën e njohu kur ishte në burg nëpërmjet letërkëmbimeve, ishte e bindur se mund ta zbuste. Pasi e vrau, ai e hodhi gruan në një luginë të thellë, ndërkohë që të ftuarit ishin tepër të shokuar që të ndërhynin, por vetëm njoftuan policinë.
Nuk bëhet shaka me burrin gjatë dasmës. Të paktën, jo në Uzbekistan. Vendi ish-sovjetik në Azi ka qenë protagonist disa herë i disa videove skandaloze, ku dhuna ndaj grave evidentohet edhe në ditën që mendohet si më e bukura në jetën e tyre. Rikujtojmë, se video, që është bërë virale ditët e fundit, tregon çiftin që në bashkëpunim me dëshmitarët ishte duke argëtuar të ftuarit me një lojë shpejtësie tradicionale.
