Honda zakonisht tërheq vëmendjen me makinat e saj, por tashmë fokusi është tek aeroplani. Prodhuesi japonez prezantoi aeroplanin HondaJet Elite II në Konventën dhe Ekspozitën Evropiane të Aviacionit të Biznesit në Gjenevë të Zvicrës, për të cilin thotë se është më i shpejti në klasin e tij.
Aeroplani ka një trup të përbërë dhe një konfigurim të veçantë të vendosjes së motorit mbi krah. Ky model mundësohet nga dy motorë GE Honda HF120, secili gjeneron 930 kg shtytje. Elite II mund të ngrihet lehtësisht nga një pistë 1128 metra e gjatë dhe të përshkojë një distancë prej 2865 km me katër pasagjerë pa u ndalur. Honda thotë se është një aeroplan shumë ekonomike gjithashtu.
Konfigurimi standard është projektuar për 6 pasagjerë dhe një anëtar të ekuipazhit, por ekziston edhe një version me 7 pasagjerë. Honda nuk zbuloi shumë për brendësinë, përveç se akustika është përmirësuar dhe se aeroplani është i pajisur me sisteme të zërit të aviacionit Boeing. Vëllimi i hapësirës së bagazhit është 1756 litra. Çmimet ende nuk janë zbuluar, por Honda është certifikuar nga Administrata Hapësinore e SHBA-së dhe pret të certifikohet nga Agjencia e Sigurisë së Aviacionit të Bashkimit Evropian.
