Aktorja Florence Pugh pati një rol të spikatur së bashku me Cillian Murphy në filmin “Oppenheimer” edhe pse kanë kaluar disa muaj pas publikimit të tij, detajet nga xhirimet vazhdojnë ende të jenë mjaft interesante dhe të shtojnë kuriozitet. Një nga momentet më të sikletshme ishte ajo që ndodhi gjatë xhirimeve të një skene, një nga kamerat u prish gjatë skenës së seksit.
Ishte një moment ‘shkatërrues’, por aktorët ia dolën mbanë. Gjatë një paneli me të ftuarit ajo u shpreh:
Në mes të skenës sonë të seksit, kamera u prish. Askush nuk e di, por ndodhi. Kamera jonë u prish kur ishim të dy lakuriq dhe nuk ishte aspak koha ideale. Cilian dhe unë ishim në dhomë së bashku me një grup të vogël, kështu që të dy po e mbajmë trupin kështu,” kujtoi ajo, duke u përqafuar.
Pugh tha se i pëlqente të ishte në xhirime me kaq shumë njerëz të pasionuar, duke i thënë panelit:
Ishte thjesht çmenduri që çdo person në këtë set ishte aq i ditur dhe ishte aq i gatshëm për të bërë këtë lloj filmi sa nuk kishte asnjë moment të mërzitshëm.
Theksojmë gjithashtu se ceremonia e ndarjes së çmimeve Oscars është një nga ngjarjet më të pritura në Hollywood, që nga shpallja e listës së plotë të nominimeve nga Akademia e Arteve dhe Shkencave të Filmit. Këtë vit, siç pritej, lista përfshin prodhime të tilla kinematografike si “Oppenheimer”, “Barbie” dhe “Killers of the Flower Moon“, ndër të tjera.
Filmi me më shumë nominime këtë vit ishte “Oppenheimer“, i cili përfshihet në listat për filmin më të mirë, regjinë me Christopher Nolan, aktorin më të mirë kryesor me Cillian Murphy dhe aktoren më të mirë dytësore me Emily Blunt, ndër të tjera.
