Meghan Markle ka mbajtur fjalimin e saj të parë publik në Mbretërinë e Bashkuar që nga largimi si anëtare mbretërore mbi dy vite më parë. Dukesha e Sussex-it mori pjesë në hapjen e Samitit “One Young World” në Manchester së bashku me Princin Harry të hënën në mbrëmje.
Mamaja 41-vjeçare është një këshilltare për organizatën, me serinë e ngjarjeve të kësaj jave që bashkon liderë të rinj nga më shumë se 190 vende. Meghan i tha audiencës:
Është shumë bukur të kthehem në Britani të Madhe. Siç ka të ngjarë të dëgjoni shumë herë këtë javë…do të dëgjoni të gjitha llojet e gjërave, disa shumë të rënda, por fryma kumbuese që besoj se do të dëgjoni është se ju jeni e ardhmja.
Por dua t’i shtoj kësaj, se ju jeni gjithashtu e tashmja. Ju jeni ata që nxisin ndryshime pozitive dhe të nevojshme në të gjithë globin tani në këtë moment dhe për këtë, jam shumë mirënjohëse që jam sot në shoqërinë tuaj.
Ajo foli edhe për herën e parë që iu kërkua të bëhej këshilltare në vitin 2014.
Dhe ja ku isha unë, vajza nga Suits, isha e rrethuar nga liderë botërorë, humanitarë, kryeministra dhe aktivistë për të cilët kisha një respekt dhe admirim kaq të thellë.
