Sipas Match, aplikacionit për takime romantike, e shtuna është ndoshta dita më e keqe për të planifikuar një takim të parë. Ekspertët ndërkaq rekomandojnë të mërkurën ose të enjten mbrëma. “E shtuna është e keqe për takimet e para. Duke supozuar se punoni, nga e hëna në të premte nga ora 9 e mëngjesit deri në 17:00, tashmë jeni jashtë ditëve të javës, dukeni mirë dhe nuk po e bëni vetëm për një takim të parë”,-tha ekspertja e takimeve Charlotte në TikTok.
Ajo shtoi se në fundjavë do të visheshe enkas për atë takim. Gjithashtu, gjatë ditëve të javës, veçanërisht nga e hëna deri të enjten, ka të ngjarë të ketë më shumë vende në restorante.
Do të pendoheni për humbjen e një dite pushimi, ndërsa një takim i rastësishëm i keq të martën do të harrohet gjatë muajit tjetër.
Ekspertja tjetër Hayley Quinn, i mbështet këto pretendime dhe thotë se disa ditë janë më të mira se të tjerat. Ajo u shpreh se duhet të synoni për të mërkurën ose të enjten mbrëma, ose të dielën pasdite. Ndërkaq, sipas një studimi, djemtë që zgjedhin që takimet e para të jenë në vende të mira, kanë një synim më afatgjatë për marrëdhënien. WhatsYourPrice.com, një faqe takimesh në internet ku përdoruesit mund të bëjnë sugjerime për takime, kreu një studim dy-vjeçar me anëtarët e tyre meshkuj amerikanë për të përcaktuar korrelacionin midis shpenzimeve në takimin e parë dhe pikëpamjes së marrëdhënies.
