BBC ka zhvilluar një investigim mbi kartelat mjekësore dhe dokumente ta tjera që ekzistojnë se fëmijët në Mbretërinë e Bashkuar janë përdorur përgjatë viteve 1970-1980 për të kryer teste klinike të pasigurta nga mjekë dhe shkencëtarë që kanë vënë përpara sigurisë së pacientit ambicien e tyre për të realizuar eksperimente të ndryshme.
Mjekët në Britani iu kanë dhënë gjak të infektuar me sëmundje të ndryshme qindra fëmijëve ku përfshihej gjaku i personave të infektuar me Hepatit C apo edhe me HIV-aids. Në shumicën e rasteve transfuzioni i gjakut dhe provat klinike janë realizuar pa marrë më parë lejen e prindërve apo kujdestarëve të këtyre të miturve. 75 fëmijëve që u përfshin në këto prova klinike mes viteve 1970- 1980 kanë folur për BBC duke treguar pasojat e këtyre eksperimenteve mjekësore.
Një 42 vjecar ka rrëfyer se ai është infektuar me hepatit C, pasi në moshën 3 vjecare në vitin 1985 prindërit e dërguan për ta mjekuar pas një çarje që pësoi në gojën e tij. Dokumentet e zbuluara nga BBC treguan sesi mjekët i kishin dhënë atij gjak të infektuar me synim që të mund ta vëzhgonin më vonë si një rast të provave klinike.
Shumë prej fëmijëve që janë përdorur nga mjekët britanikë për kryerjen e këtyre eksperimenteve kanë ndërruar jetë si pasojë e infektimit me sëmundje të rënda. Mjekët në Britaninë e Madhe të cilët iu dhanë gjak të infektuar fëmijëve të ndryshëm nëpërmjet shiringave të nxehta synon që të provonin shkatërrimin e viruseve të tilla si Hiv-aids apo edhe të Hepatit C.
Ndërkaq, OBSH ka paralajmëruar se më shumë se 3.500 njerëz vdesin çdo ditë nga viruset e hepatitit dhe numri global po rritet. Të dhënat e reja nga 187 vende treguan se numri i vdekjeve nga hepatiti viral u rrit në 1.3 milion në vitin 2022 nga 1.1 milion sa ishte në vitin 2019.
Sipas raportit të OBSH-së, 83% e vdekjeve regjistrohen nga hepatiti B dhe 17% nga hepatiti C. Për trajtimin e këtyre viruseve ka barna efektive dhe të lira. Megjithatë, vetëm 3% e atyre me hepatit B kronik morën trajtim antiviral deri në fund të vitit 2022. Për hepatitin C, ndërkaq, u trajtuan vetëm 20% e të prekurve.
