Big Brother Vip Albania është një fenomen social që mbërthen fort jo vetëm vëmendjen por edhe debatin publik. Këtë vit synimet janë akoma më të mëdha ndërsa shtëpia është më mbresëlënëse. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektakli arriti të gozhdonte para ekranit teleshikuesit dhe rezultoi të ishte mjaft i suksesshëm.
Pas 20 orësh në garë, Fation Kuqari, ka vendosur që të braktisë lojën e rezistencës. Tashmë në sfidë janë Vesa Smolica dhe Arta Kabashi. Banorja që arrin të rezistojë më shumë, do të shpërblehet me 3 mijë euro. Kjo është sfida e radhës që Vëllai i Madh u dha një ditë më parë banorëve të shtëpisë së “Big Brother VIP 3”. Secili nga banorët duhej që të qëndronte minimumi 4 orë, por jo të gjithë arritën që të rezistonin kaq gjatë.
Kishte të tjerë që qëndruan edhe më shumë, por Vesa, Fationi dhe Arta i kaluan mbi 20 orë. Mëngjesin e sotëm Kuqari vendosi që t’a braktiste lojën, duke lënë në garë vetëm vajzat.
