Seriali i ri i “Lord of the Rings” ka kushtuar 1 miliardë dollarë, por traileri i tij shkaktoi pakënaqësi të mëdha në rrjet. Arsyeja ishte se në role xhuxhësh dhe elfësh janë vendosur aktorë me ngjyrë, çka u konsiderua si diçka e pavend në fantazinë e konceptuar krejt ndryshe që në fillim.
Sophia Nomvete interpreton një princeshë xhuxhe, gruaja e parë me ngjyrë dhe femër që luan një xhuxh. Lenny Henry vjen si një elf i zi. Fansat e “Lord Of The Rings” shpërthyen në kritika në Twitter. Ata janë treguar të ashpër me përkatësinë etnike të Nomvete ndërsa disa të tjerëve nuk u pëlqen fakti që xhuxhet femra nuk kanë mjekër si meshkujt. Të tjerë druhen se thellësia e mendimit në librat e Tolkien nuk del aspak në pah në këtë realizim.
Një koment në Twitter thonte se:
Kaq e trishtueshme që sapo përdoren idetë e Tolkien-it për të shkruar një libër krejtësisht të ndryshëm dhe një libër që është aty vetëm për t’i bërë homazh ideve të ngatërruara të zgjuara në vend të thellësisë së madhe të mendimit të themeluar në librat e tij.
Ndërsa seria e re përgatitet për lançimin e saj në shtator në Amazon, kompania e gjen veten duke lundruar në ujëra të pabesë. Gjiganti i teknologjisë ka shpenzuar një shumë të madhe parash për të përshtatur historinë e dashur të famshme për fansat e tij kulturorë. Megjithatë, Amazon është plotësisht i vetëdijshëm që produkti i saj përfundimtar duhet të arrijë një audiencë të gjerë dhe moderne për të justifikuar shpenzimet e saj.
