Kur Beyoncé njoftoi se biletat do të ishin së shpejti në dispozicion për turneun botëror të “Renaissance”, shumë anëtarë të “Beyhive” u përgatitën për kaos. “Ticketmaster” njoftoi javën e kaluar se kërkesa për turneun botëror të Beyonce-s kishte tejkaluar shumë sasinë e biletave të disponueshme, me më shumë se 800% vetëm në grupin e parë të para-shitjes.
Disa tifozë vendosën sa më shumë strategji për të rritur gjasat për sigurimin e biletave. Të tjerët hoqën dorë tërësisht, duke ditur se çfarë duruan fansat e Taylor Swift në përpjekjet për të siguruar biletat e “Eras”. Në nëntor, pritjet e gjata dhe problemet teknike ndërprenë një para-shitje për turneun e Swift, duke lënë mijëra fansa në baltë dhe duke e shtyrë “Ticketmaster” të anulojë shitjen publike. Por ndërsa kodet e para-shitjes filluan t’u dërgoheshin me email fansave të Beyoncé që ishin regjistruar, shumë u shfaqën të habitur nga lehtësia e sigurimit të biletave.
Ishte edhe më e lehtë dhe më e vështirë nga sa prisja. Nëse nuk e kishit përdorur kurrë më parë “Ticketmaster”, mendoj se do të kishte qenë konfuze, por në krahasim me përvojat e kaluara nuk ishte shumë keq.
Ajo që tronditi shumë fansa, megjithatë, ishin çmimet me të cilat u ndeshën.
Nëse keni ende një shans për të marrë bileta, kjo është sa duhet të jeni të përgatitur për të shpenzuar. 6,000 dollarë për dy bileta. Nuk kishim zgjidhje tjetër. Por më duhet të them se jam përgatitur për këtë moment që kur doli albumi.
Tifozët e tjerë që siguruan bileta u bënë jehonë mendimeve të ngjashme, duke u ankuar për çmimet e dukshme dinamike në “Ticketmaster”, që është luhatja në kohë reale e çmimeve të biletave sipas kërkesës live. Trafiku i lartë në faqe do të rriste më pas çmimet e biletave, duke bërë që fansat të rregullonin buxhetet e tyre gjatë procesit të blerjes.
