50-vjeçari Ronald Roland prej dy vitesh ishte në arrati pasi ishte shpallur në kërkim si pjesë e një grupi me 8 persona, në një operacion në shtatë shtete, pasi akuzoheshin për trafik droge, ndërsa autoritetet kishin sekuestruar sasi të mëdha parash, bizhuteri, armë, një varkë, 34 makina dhe një avion privat.
![](https://i.dailymail.co.uk/1s/2024/07/08/19/87077515-13612701-Brazilian_drug_lord_Ronald_Roland_pictured_with_his_wife_Andrezz-a-25_1720463564986.jpg)
Megjithatë, Roland është vënë në pranga së fundmi nga autoritetet braziliane pas një gafe fatale të bashkëshortes së tij. Sipas mediave braziliane, policia bastisi një godinë në Guarujá, pasi bashkëshortja e tij, Andrezza de Lima, blogere e biznesmene, kishte postuar një foto, e cila tregonte vendndodhjen.
![](https://conteudo.imguol.com.br/c/noticias/3e/2024/07/07/ronald-roland-e-suspeito-de-abastecer-carteis-de-drogas-no-mexico-e-de-comandar-um-mega-esquema-de-lavagem-de-dinheiro-1720404524879_v2_900x506.png)
Roland, de Lima dhe vajza e tyre ishin duke fjetur kur Policia Federale bastisi banesën e tyre. Sipas hetuesve brazilianë, pretendohet se 50-vjeçari kishte kontakte me kartelet e drogës në Meksikë dhe dyshohet se ka pastruar një sasi të konsiderueshme prej 900 milionë dollarë në 5 vitet e fundit. Një nga 100 bizneset, të cilët dyshohet se përdoreshin për pastrimin e parave, ishte edhe dyqani i bashkëshortes së tij.