Ceremonia e çmimeve Grammy u zhvillua të dielën, më 4 shkurt, në Los Angeles. SZA rrëmbeu gjithë vëmendjen duke qenë e nominuar nëntë herë, e në bazë të kësaj fitoi edhe disa çmime të rëndësishme. Taylor Swift triumfoi me ‘albumin më të mirë’, duke ndarë me të gjithë ata që ishin të pranishëm një lajm të madh se albumi i saj i ri, “The Tortured Poets Department”, do të dalë pas vetëm disa muajsh.
Trevor Noah prezantoi ceremoninë kryesore të Grammy-it për të katërtin vit radhazi. Interpretuesit gjatë shfaqjes përfshinin Joni Mitchell, Billie Eilish, Olivia Rodrigo, Dua Lipa, Travis Scott, Burna Boy, Billy Joel, Miley Cyrus dhe SZA. Por së fundmi reperi i famshëm, Snoop Dogg, i ka bërë thirrje Grammy-t që nuk ka fituar kurrë një çmim.
View this post on Instagram
Snoop është një nga katër reperët që janë nominuar për të paktën 10 Grammy, por nuk kanë fituar kurrë një çmim. Së bashku me të, i cili ka 16 nominime, janë edhe Travis Scott (10), Busta Rhymes (12), Nicki Minaj (12) dhe The Doggfather (16). Por duke qenë se Grammy-t nuk e nderuan reperin 52-vjeçar për karrierën e tij legjendare, ai vendosi të bënte një reagim në rrjete sociale. Të hënën, reperi postoi në Instagram një foto të një artikulli të Business Insider që e vendosi atë në mesin e artistëve më të mirë që nuk e kanë fituar kurrë çmimin e famshëm të muzikës dhe kështu praktikisht i kritikoi.
Njoftimi i Snoop Dogg erdhi vetëm disa orë pasi Jay-Z ‘kritikoi’ Grammy pasi pranoi ‘Dr. Dre Global Impact’ për kontributin e tij në industrinë e muzikës. Reperi bëri thirrje për organizatorët e Grammy se gruaja e tij, Beyonce, nuk e fitoi kurrë çmimin për ‘albumin e vitit’. Pak çaste më vonë, çmimi për ‘albumin e vitit’ shkoi për Taylor Swift.
