Big Brother Vip Albania është një fenomen social që mbërthen fort jo vetëm vëmendjen por edhe debatin publik. Këtë vit synimet janë akoma më të mëdha ndërsa shtëpia është më mbresëlënëse. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektakli arriti të gozhdonte para ekranit teleshikuesit dhe rezultoi të ishte mjaft i suksesshëm.
Graciano dhe Egla kanë biseduar për një temë delikate teksa kjo e fundit ka pyetur Gracianon lidhur me Argjirën dhe lidhjen e tyre, e ndërsa banori la të nënkuptohej se diçka nuk shkon mes tyre. Graciano ka treguar se mes tyre ka një krisje dhe se Argjira i ka kërkuar mos ta përmendte emrin e saj brenda në shtëpi.
Ndërkohë një ditë më parë në rubrikën “Trotuar” në “E Diell”, Argjira nuk ka pranuar që të komentojë për këtë temë, ndërsa ka zgjedhur të flasë për projektin e saj televiziv, “She’s on Top”. Pasi u largua nga studio ajo puthi në faqe gazetarin e njohur, Ervin Kurtin, duke thënë se do të shihen së shpejti në “She’s on Top”.
Rikthimi i Gracianos në BBV mund të jetë bërë shkak për një krisje me partneren e tij, Argjira Spanca. Kjo e fundit nuk ka postuar më mesazhe mbështetëse në Instagram për balerinin përveç rastit të djeshëm pas rrëfimit të historisë së jetës së tij ku kishte shkruar diçka.
