Një fëmijë 16-muajsh është aq i madh saqë i duhet të veshë rrobat e babait të tij. Muhammad Kenzi Alfaro peshon rreth 30 kg, aq sa peshon një 8-vjeçar normal, në vend që të peshonte rreth 10 kg. Nëna e tij thotë:
Burri im është trupvogël dhe rrobat e tij i bëjnë djalit. E kam shumë problem për pelena, i duhen XXL. Në dyqan ka vetëm XL.
Aktualisht, autoritetet shëndetësore indoneziane po i bëjnë analizat fëmijës për të parë nëse ka ndonjë çrregullim shëndetësor dhe po e mbajnë nën monitorim. Kenzi ishte rreth 4 kg kur lindi. Megjithatë, ai filloi të shtonte peshë në baza javore kur ishte rreth gjashtë muajsh. Mamaja e tij shton se:
Duke qenë se nuk kam qumësht gjiri, i dhashë qumësht formula të cilin e pi katër herë në ditë. Por që në moshën gjashtë muajsh, ai filloi të shtonte shumë peshë.
Portali i lajmeve detik.com zbuloi se foshnja në fakt kishte konsumuar qumësht të kondensuar të ëmbël si zëvendësues i qumështit të gjirit, sepse nëna e saj kishte një histori me gurë në tëmth. Ministri i Shëndetësisë Budi Gunadi Sadikin ka urdhëruar zyrtarët mjekësorë që të monitorojnë rastin dhe të ofrojnë trajtim. Tani për tani, Kenzi po kalon kontrolle rutinë dhe trajtim për humbje peshe në një spital.
