Postimet e saj në rrjetet sociale duket së kohët e fundit nuk janë aspak të shpeshta dhe fansat duan t’a shohin akoma më shumë aktive. Mos të harrojmë të përmendim dhe faktin se na mungon një projekt muzikor i ri nga Elvana Gjata.
Këngëtarja shumë e dashur e publikut ka postuar pak orë më parë disa video e foto duke e nisur vitin me buzëqeshje. Teksa shfaqet në një udhëtim me makinë, destinacionin e të cilit nuk e ka zbuluar, krahas fotove të bukura, Elvana postoi edhe një video të mamasë së saj. Ajo shfaqet në sediljen e pasme të makinës duke folur në telefon.
“Gëzuar Vitin e Ri, mirë u takofshim. Flasim kur të takohemi!” -uron ajo me zë të lartë duke na bërë të kuptojmë që dhe mamatë tona nuk janë dhe aq ndryshe.
Krahas kësaj, Elvana ka publikuar edhe disa video të tjera teksa shfaqet duke kërcyer në makinë por këtë herë video nuk ka as muzikë e as audio. Mos ndoshta ajo po argëtohet nën ritmet e ndonjë projekti të ri muzikor për të cilën ne nuk jemi ende në dijeni? Kjo mbetet për t’u zbuluar.
