Zgjedhja e këngëtares Taylor Swift si Njeriu i Vitit nga revista TIME është pritur me reagime të ndryshme. Një ish-fitues i çmimit është Elon Musk, i cili reagoi menjëherë kur mësoi se Taylor i ka marrë titullin. Musk paralajmëroi Swift për humbjen e popullaritetit pas kësaj. “Urime. Një rrezik i rënies së popullaritetit pas këtij çmimi. Unë flas nga përvoja, LOL”,-shkroi Musk.
Tani mund të themi pa frikë se Taylor Swift i është bashkuar grupit ekskluziv të miliarderëve, falë turneut të saj shumë të suksesshëm. Sipas një raporti nga Bloomberg, ylli i popit ka grumbulluar një pasur prej rreth 1.1 miliardë dollarë, kryesisht nga muzika e saj. Kjo arritje e bën atë një nga artistët e paktë që arrin një pasuri 10-shifrore vetëm përmes muzikës dhe artit të tyre.
Raporti e përshkruan “Eras Tour” si një sukses të jashtëzakonshëm. Analiza e Bloomberg vlerëson se vetëm 53 koncertet në SHBA i shtuan produktit të brendshëm bruto të vendit një shumë marramendëse prej 4.3 miliardë dollarësh. Analiza bazohet në shifra të konfirmuara ose të shpalosura publikisht.
Ndërkaq, Musk nga ana tjetër zbuloi në një intervistë të re se ai kishte kaluar një krizë ekzistenciale në moshën 12-vjeçare, në të cilën ai mendoi t’i jepte fund jetës së tij. 52-vjeçari i tha Aaron Ross Sorkin të ‘New York Times’ në Samitin e ‘DealBook 2023’ se ai dikur mendonte: “A është e gjitha e kotë? Pse të mos bëj vetëvrasje? Pse ekzistoj?’”
Musk tha se në atë kohë, ai do të lexonte tekste fetare dhe në veçanti, libra të filozofisë gjermane që e bënin atë mjaft të dëshpëruar, kështu që ai këshilloi që adoleshentët të mos i lexonin ato. Sidoqoftë, kur mori në dorë “Udhëzuesin e autostopit për galaktikën” të Douglas Adams, ai kuptoi se gjetja e kuptimit të jetës nuk zvogëlohet në një përgjigje të thjeshtë, por më tepër se cilat pyetje duhet të bëjmë.
