Miliarderi i teknoligjsë Elon Musk ka hedhur në gjyq kompaninë që ka hedhur në treg ChatGPT, themeluesin e tij Sam Altman por dhe persona të tjerë të lidhura me kompaninë. Miliarderi i “Space X” ka akuzuar Altman se e ka braktisur misionin fillestar të kompanisë për të zhvilluar inteligjencën artificiale për t’i ardhur në ndihmë njerëzimit, pa qëllime fitimi.
Kallëzimi është bërë të enjten pasdite dhe në të thuhet ndër të tjera se Altman dhe bashkëthemeluesi i OpenAI, Greg Brockman i janë qasur fillimisht Musk-ut për të krijuar një kompani “open source”, jofitimprurëse. Megjithatë, avokatët e Elon Musk, e akuzojnë kompaninë tashmë se e ka kthyer fokusin te fitimi i parave dhe kjo, sipas tyre, përbën shkelje të kontratës.
Po ashtu, në kallëzim thuhet se OpenAI e ka mbajtur dizajnin e GPT-4, versionin e saj më të avancuar të Inteligjencës Artificiale. Elon Mask bashkëthemeloi OpenAI në vitin 2015, por u largua nga bordi i saj në vitin 2018. Miliarderi drejton gjithashtu prodhuesin e automjeteve elektrike Tesla (TSLA.O), prodhuesin e anijeve kozmike SpaceX dhe bleu në tetor të 2022,për 44 miliardë dollarë platformën “X”.
Vitin e kaluar, Sam Altman u shkarkua nga ish-bordi i OpenAI, i cili tha se po përpiqej të mbronte misionin e kompanisë për të zhvilluar Inteligjencë Artificiale që mund t’i sjellë benefite njerëzit. Disa ditë më vonë, Altman u kthye në kompani me një bord të ri. Elon Musk tashmë ka lëshuar versionin e tij të ChatGPT. Duket se sipërmarrësi i teknologjisë do të përballet me Gmail-in e Google duke krijuar një shërbim emaili të tijin. Në një shkëmbim në platformën e tij të mediave sociale X, Musk ka zbuluar se një produkt i quajtur ‘XMail’ po ‘vjen’.
