Princi Harry bëri një gjest në fund të intervistës së tij me Oprah Winfrey që tregoi ndjenjat e tij të vërteta ndaj familjes mbretërore, pohon një ekspert i gjuhës së trupit. Duka i Sussex-it la detyrat mbretërore së bashku me gruan e tij Meghan Markle vitin e kaluar dhe u transferua për të filluar një jetë të re në SHBA.
Më parë gjatë këtij viti, ai dhe Meghan dhanë një intervistë shpërthyese për Oprah, në të cilën u bënë pretendime të bujshme që tronditën. Ndër akuzat ishin se babai i Harry, Princi Charles e kishte shkëputur çiftin financiarisht dhe u tha se kishte pasur shqetësime për ngjyrën e lëkurës së djalit të tyre Archie.
Tani, një ekspert i gjuhës së trupit ka pohuar se një gjest nga Duka i Sussex-it në fund të intervistës tregoi se ai ishte i lumtur dhe jo i trishtuar që po bënte zbulimet. Duke folur në kanalin e tij në YouTube, Jesus Enrique Rosas tha se Harry filloi të qeshte, përpara se të kapte veten dhe gjoja të imitonte trishtimin.
Do të habiteni se si mund të shfaqen qëndrimi dhe emocionet reale të dikujt kur mendojnë se kamerat nuk po xhirojnë më. Harry dhe Meghan nuk janë përjashtim. Të thuash që Harry u detyrua ta bënte këtë intervistë nuk ka kuptim, sepse si ndodhi që ai po qeshte në fund?
