Presidenti francez, Emmanuel Macron ka njoftuar se po shpërndan Asamblenë Kombëtare dhe do të thërrasë zgjedhje të parakoshme më 30 qershor dhe 7 korrik.
Presidenti francez tha se nuk mund të pretendojë se asgjë nuk ka ndodhur, se rezultati i zgjedhjeve të BE-së nuk është i mirë për qeverinë e tij dhe se rritja e nacionalistëve është një rrezik për Francën dhe Evropën.
Sondazhet në Francë tregojnë se partia e ekstremit të djathtë Rally National (RN) ka dalë në krye me 31.5% të votave, më shumë se dyfishi i partisë së Rilindjes së presidentit francez Emmanuel Macron.
Rilindja, e udhëhequr nga Valerie Hayer, u rendit në vendin e dytë me 15.2% të votave, pak përpara socialistëve të tretë me 14.3%.
Pjesëmarrja ishte në një nivel rekord prej 45.3%, sipas Ministrisë së Brendshme franceze – 2 pikë përqindjeje më e lartë se zgjedhjet e mëparshme evropiane të mbajtura në 2019.
Fronti Nacional i Marine Le Pen projektohet bindshëm fituese për vendet në parlamentin Europian, me 34% të votave duke lënë pas forcën makroniste me 14%.
Forcat e djathta kanë pasur një avantazh të dukshëm në këto zgjedhje, e deri më tani Partia Popullore Europiane projektohet fituese me 181 vende të fituara në Parlamentin Europian duke lënë pas social demokratët.
Përveç Francës, e djathta ekstreme ka fituar edhe në Austri, ndërsa në Gjermani fituese projektohet CDU, e ndjekur nga ekstremi i djathtë AfD.
Adresse aux Français. https://t.co/sqVqfH3gXy
— Emmanuel Macron (@EmmanuelMacron) June 9, 2024