Netflix ka njoftuar së fundmi se episodet e reja të “La Casa De Papel” me titull “Berlin” do të ketë premierën e tyre më 29 dhjetor. Seriali i ri do të ndjekë një nga grabitjet më të pazakonta të personazhit ikonik të luajtur nga Pedro Alonso, i cili rikthehet në rolin e Berlinit. Përmbledhja zyrtare thotë:
Ka vetëm dy gjëra që me siguri do ta kthejnë një ditë të keqe në një ditë të mrekullueshme, dashuria dhe një pagesë me vlerë miliona euro. Berlini është në vitet e tij të arta, një kohë kur ai ende nuk e ka idenë për sëmundjen e tij. Këtu ai fillon të përgatisë një nga grabitjet e tij më të pazakonta, duke bërë që 44 milionë xhevahirë të zhduken si me magji. Për ta bërë këtë, ai do të kërkojë ndihmën e njërës prej tre bandave me të cilat ka grabitur.
Alonso është i bashkuar në kastin e aktorëve me Michelle Jenner, Tristán Ulloa, Begoña Vargas, Julio Peña Fernández, Joel Sánchez, Samantha Siqueiros, Julien Paschal, Masi Rodríguez dhe Rachel Lascar. Tetë episodet e serialit u krijuan nga Álex Pina dhe Esther Martínez Lobato dhe u drejtuan nga Albert Pintó.
