Ish-presidenti amerikan Donald Trump ka ‘përveshur mëngët’ duke skuqur patate për klientët, gjatë një vizite në McDonald’s, Pensilvani. Ish-presidenti u ndal në një nga ekskluzivitetet e zinxhirit të ushqimit të shpejtë në Pensilvani gjatë lëvizjes së tij të së dielës nëpër shtetin Keystone, ku ndërroi xhaketën e kostumit me një përparëse për të punuar si skuqës patatesh. Ai më vonë u dha klientëve ushqim përmes dritares së restorantit, duke u thënë atyre se e kishte përgatitur vetë dhe se gjithçka ishte e paguar.
Ai lavdëroi stafin dhe kompaninë, më pas nxori kokën nga dritarja dhe bëri me dorë një turmë që ishte mbledhur matanë rrugës. Ai filloi t’u shpërndante ushqim edhe makinave që prisnin në radhë para mbërritjes së tij. Restoranti ishte i mbyllur për publikun gjatë vizitës së Trump dhe klientët të cilëve Trump u shërbente u kontrolluan nga Shërbimi Sekret i SHBA-së dhe u pozicionuan përpara mbërritjes së tij. Askush nuk porositi ushqim. Në vend të kësaj, të pranishmit morën gjithçka që u dha Trump.
Lëvizja e re nga Donald Trump, i cili përpara zgjedhjeve të 5 nëntorit, vizitoi një restorant McDonald’s, nga ku akuzoi sërish Kamala Harris se gënjeu se ajo kishte punuar më parë në fast food. Harris ka injoruar kryesisht Trump, si dhe thirrjet nga mbështetësit e tij dhe pyetjet nga mediat konservatore të lajmeve për të siguruar prova të kohës së saj atje. Fushata e saj nuk iu përgjigj një kërkese për koment në lidhje me akuzën e Trump dhe vizitën e tij të ardhshme në McDonald’s. Harris ka thënë se ka punuar në zinxhirin e ushqimit të shpejtë gjatë ditëve të saj të kolegjit në Kaliforni. Trump pretendon se Harris nuk ka punuar kurrë atje. Një zëdhënës i Harris tha se ky ishte një tjetër marifet që tregon dëshpërimin e manjatit të pasurive të patundshme.
