Sharon Osbourne, gruaja e këngëtarit Ozzy Osbourne, së fundmi është fotografuar teksa bënte pazar në Los Angeles. Ajo vendosi të bënte një ndryshim të fytyrës tre vjet më parë, të cilën më vonë e përshkroi si “eksperiencën më të keqe”. Sharon është fotografuar duke bërë pazar në “Neiman Marcus” dhe ka befasuar ndjekësit e rrjeteve sociale me pamjen. Shumë kanë shkruar në rrjetet sociale se “është e trishtueshme që njerëzit kthehen në karikatura të vetvetes”.
Përveç kritikave, disa të tjerë e mbrojtën duke thënë se “është fytyra e saj, zgjedhja e saj dhe mund të bëjë çfarë të dojë”. Vitin e kaluar, Sharon foli për operacionet në 2021, për të cilat tha se ishin gjëja më e keqe që kishte bërë ndonjëherë. Sharon Osbourne ka ndarë gjithashtu luftën e saj me depresionin, teksa ka zbuluar se ka tentuar vetëvrasjen pasi mësoi lidhjen jashtëmartesore të bashkëshortit të saj Ozzy Osbourne. Gjatë shfaqjes së saj në “Cut the Crap” në Londër, Sharon tha:
Ai gjithmonë kishte grupe dhe unë isha mësuar me këtë. Por kur e di emrin e personit, ku jeton dhe ku punon është një gjë krejt tjetër.
Martesa e gjatë e çiftit u përball me një sprovë të madhe kur lidhja e Ozzy doli në dritë. Sharon, e cila ndan tre fëmijë me këngëtarin e Black Sabbath, shprehu besimin se mosha e madhe e fëmijëve të saj e lanë atë të aftë të kujdesej për veten. Në një kujtim prekës, Sharon tha:
Mora një mbidozë dhe u mbylla në dhomën e gjumit. Punonjësja u përpoq të hynte në dhomë dhe më pa.
Sharon së fundmi tregoi edhe për humbjen e saj drastike në peshë dhe tregoi se nuk ha të paktën tre ditë në javë. 70-vjeçarja humbi mbi 12 kilogramë pasi përdori ilaçin e diskutueshëm për humbjen e peshës Ozempic për të arritur figurën e saj të re. Por, duke dhënë një pasqyrë mbi zakonet e saj aktuale të të ngrënit në ‘The Osbournes Podcast’, Sharon pranoi se ajo gjithashtu kalon ditë pa ngrënë ushqim.
O Zot, unë e bëj këtë çdo javë. Të paktën tre ditë pa ngrënë. Ky quhet agjërim me ndërprerje. Gjithsesi nuk doja të bëhesha kaq e dobët.
