Në një bisedë të këndshme mes vajzash, me një koktejl para, Zhaklin Lekatari, Maya dhe Ilda Bejleri, rrëfyen në “Cherry on Top” për jetën personale dhe karrierën. Mes artisteve, nuk munguan vlerësimet për njëra-tjetrën. E dashuroj, tha Maya për Zhaklinën, duke e komplimetuar për rolin si opinioniste në “Big Brother VIP 2”. Ndërsa, Zhaklina, ia ktheu me një përqafim dhe puthje, ndërsa shtoi se dha shumë nga vetja gjatë edicionit të kaluar të reality shoë-t më të ndjekur në Shqipëri.
Bora Zemani: Kur i treguam Maya-s, që e ftuar do të jetë edhe Zhaklin, ah tha, e dashuroj.
Zhaklin Lekatari: Yeahhh.
Bora Zemani: Po pse Maya? Pikërisht për këtë fjalën e lirë, e vlerëson kaq shumë?!
Maya: Unë do preferoj të të them Zhaku, se të kam afër. Unë e kam njohur nga Big-u i vjetshëm, kam parë një vajzë shumë të vërtetë në atë që thoshte. S’ke pse thua që kjo gota është shishe, është gota. Kështu mund ta them unë punën e saj, mua më pëlqejnë njerëzit e vërtetë dhe kaq. Prania jote dha shumë në atë spektakël.
Zhaklin Lekatari: Edhe unë mendoj që dhashë shumë.
Maya: Mirë do ishte të ishe edhe në këtë sezon.
Ilda Bejleri: Zhaku në fakt është dhënë e gjitha tek ai format, se njeriu i thotë gjërat ashtu si i mendon. Çdo njeri ka këndvështrimin e vetë.
Zhaklin Lekatari: Mendoj që kur flasim për çështje parimore, ato të vërtetat që ekzistojnë në shoqërinë tonë, janë të vërtetat në të cilat përkojnë morali dhe ligji. E vërteta është një dhe nuk mund të ketë deformime.
