Që pas thyerjes së dominimit absolut të Lewis Hamilton dhe Mercedesit në Formula 1 në vitin 2021, gjërat kanë ndryshuar dhe në pagat e pilotëve. Praktikisht i pamposhtur në pistë, Max Verstappen gjithashtu dominon podiumin për sa i përket pagave, duke udhëhequr një grup prej 10 pilotësh që kanë fituar kolektivisht 258 milionë dollarë këtë vit. Max Verstappen i Red Bull Racing përfundoi sezonin më dominues në historinë e Formula 1, duke fituar 19 gara rekord (nga 22). Nuk është për t’u habitur që ai është gjithashtu kampion financiar i serisë, me rreth 70 milionë dollarë të ardhura nga paga dhe bonuse këtë vit, duke kryesuar në mesin e të gjithë pilotëve të Formula 1.
Lewis Hamilton do të largohet nga Mercedes në fund të sezonit 2024 dhe do t’i bashkohet rivalëve të tyre Ferrarit. 39-vjeçari nënshkroi një kontratë të re dyvjeçare me Mercedes verën e kaluar dhe në fund të vitit do të largohet. Megjithatë, mësohet se kontrata e tij përmbante një klauzolë pushimi pas një viti, të cilën britaniku ka zgjedhur ta aktivizojë. Hamilton tha se ishte “shumë krenar” për suksesin që kishte arritur në 11 vjet me Mercedes. Marrëveshja mes palëve është shumëvjeçare, por që nuk është konfirmuar viti i saktë. Kalimi i Hamilton nga Mercedes te Ferrari është një nga transferimet më spektakolare në histori të Formula 1.
