Gjatë shtatzënisë mund të ndodhin infeksione ose probleme të tjera të cilat mund të ndikojnë në shëndetin e shtatzënës dhe/ose të bebes. Ndonjëherë shtatzënat mund të kenë kollitje të vazhdueshme. Kollitja mund të ndodh për shkak të infeksionit virusal, alergjisë ose ndonjë problemi tjetër. Në këtë periudhë të vitit, kollitja më së shpeshti shkaktohet nga infeksioni virusal dhe kjo gjendje përmirësohet me kalimin e ditëve.
Megjithatë, shtatzënat bëhen merak se mos ndoshta kollitja e dëmton beben ose nxit abortin. Kjo ka shumë pak mundësi që të ndodhë pasi që bebja brenda në mitër është shumë mirë e mbrojtur nga vibracionet, zhurmat dhe presioni që shkakton kollitja. Lëngu amnial shërben si amortizues i këtij presioni. Por, kollitja e vazhdueshme mund të jetë shenjë e ndonjë problemi më serioz shëndetësor siç është astma, pneumonia ose alergjia.
Këto sëmundje ndikojnë në shëndetin e shtatzënës, por njëkohësisht mund ta rrezikojnë edhe beben. Për çdo shqetësim që keni patjetër konsultohuni ne mjekun. Mos merrni asnjë mjekim pa u konsultuar me mjekun! Trupi prodhon sekrecion vazhdimisht, mirëpo kur fillon dhe nuk ndiheni mirë do të thotë që sekrecioni ka ndërruar strukturën apo përmbajtjen e vet.
Shkaktarët mund të jenë alergjia, irritimet e hundës, fytit ose mushkërive, pirja e duhanit dhe problemet me tretjen. Njerëzit të cilët vuajnë nga alergjitë çdo ditë luftojnë me këtë problem. Në të vërtetë, sekrecioni është pjesë e përgjigjes themelore të imunitetit të mushkërive, e cila fillon prodhimin e bujshëm të sekrecionit dhe pastrimit kronik nëpërmjet kollës, për shkak të bronkitit kronik.
