Të kesh blerë një tokë dhe më pas të zbulosh se aty dikush ka ndërtuar një vilë sigurisht që është një situatë shokuese. Kështu ka ndodhur edhe me Dr Daniel Kenigsberg i cili bleu një tokë prej gjysmë hektari në 51 Sky Top Terrace në Connecticut në vitin 1991 dhe toka kishte mbetur e paprekur që atëherë. Mendohet se Kenigsberg e bleu tokën pasi ndodhej afër shtëpisë së tij të fëmijërisë.
Me sa duket ai ishte kontaktuar në shumë raste për të parë nëse do të dëshironte të shiste tokën, por ai gjithmonë refuzonte. Thuhet se “nuk kishte dëshirë për të shitur pronën dhe as për të ndërtuar ndonjë ndërtesë në pronë, por përkundrazi ai kishte një plan afatgjatë për t’ia kaluar pronën trashëgimtarëve të tij në të ardhmen në gjendjen e saj të pa prekur pa asnjë investim”.
Por në 2022 toka u shit pa lejen e Kenigsberg. Ai e mësoi lajmin për vilën që po ndërtohej pasi një mik i tha se një shtëpi po ndërtohej në tokën pranë shtëpisë së tij të fëmijërisë. Më vonë u zbulua se dikush nga Johanesburgu u shtir si ai për të shitur pronën e tij prej 0,45 hektarësh te një kompani e pasurive të paluajtshme të quajtur 51 Sky Top Partners LLC.
Ata e kishin blerë tokën për 350,000 dollarë dhe deri në tetor të vitit 2022 filluan ndërtimin e pronës që më vonë u vlerësua me një vlerë në pothuajse 1.5 milion dollarë. Kenigsberg vazhdoi të padisë firmën e përfshirë në nëntë akuza, shkeljen, vjedhjen ligjore dhe praktikat e padrejta tregtare.
Padia kërkonte të bënte të pavlefshme shitjen e tokës dhe Kenigsberg kërkonte dëmshpërblim në shumën prej 2 milionë dollarësh. Si përgjigje, Sky Top Partners paditi Anthony Monelli, avokatin që kishin përdorur dhe kompaninë dhe agjentin e pasurive të paluajtshme që listuan tokën në 2022 pasi firma nuk e kishte idenë që toka po shitej pa lejen e pronarit të vërtetë.
Në dritën e çështjeve me të cilat është përballur, Kenigsberg u ka kërkuar pronarëve të tjerë të tokave që të vëzhgojnë me kujdes pasuritë e tyre.
“Nëse jetoni në Kaliforni dhe keni tokë në Vermont, do të ishte më mirë që dikush ta vëzhgojë atë”, tha ai për CT Insider.
