Honda parashikon një epokë të re për makinat me hidrogjen. Honda beson se hidrogjeni ka për të luajtur një rol të rëndësishëm si karburant në të ardhmen e makinave, menjëherë pas fillimit të epokës së makinave me bateri. Honda, së bashku me Toyota-n dhe Hyundai-n, prej kohësh kanë qenë përkrahës të makinave që funksionojnë me hidrogjen (FCEV). Inoue Katsushi, i cili drejton përpjekjet për elektrifikimin e Honda-s, e dha vizionin e tij për të ardhmen:
Ajo që kam në mendjen time është se epoka e baterive vjen e para dhe faza tjetër është ajo me hidrogjen.
Prodhuesi japonez i makinave është duke punuar që deri në vitin 2040, 100% e shitjeve të makinave të saj të jenë me bateri ose me hidrogjen. “Gjenerata jonë e ardhshme do të jetë mjaft konkurruese”,-tha Katsushi duket iu referuar sistemit me hidrogjen i cili do të detajohet në muajt e ardhshëm.
Gjithashtu, ai tha se shpërndarja e makinave FCEV do të jetë e mundur pasi të ekzistojë infrastruktura për ta mbështetur atë, së bashku me zinxhirin e furnizimit dhe kërkesën e tregut. Honda ka bashkëpunuar me Isuzu për krijimin e një kamioni FCEV të quajtur Giga Fuel Cell, i cili pritet të dalë në treg në vitin 2027.
RIkujtojmë, se Honda Motor Co. po konsideron ndërtimin e një fabrike të makinave elektrike në Kanada, me një projekt prej 13,83 miliardë dollarësh. Projekti ku përfshihet edhe prodhimi i baterive, thuhet të jetë një nga investimet më të mëdha të Honda-s. Zyra e ministrit të industrisë së Kanadasë, këtë hap e sheh si dëshmi e reputacionit në rritje të Kanadasë si një furnizues lider global i makinave elektrike.
Prodhuesi japonez i makinave po shikon vende të shumta potenciale për ndërtimin e fabrikës, e cila ende nuk datë të saktë se kur do të fillojë. Honda tashmë ka plane për të filluar prodhimin dhe shitjen e makinave elektrike edhe në Amerikën e Veriut që nga viti 2026. Së fundmi, Honda dhe General Motors kanë anuluar planin për të zhvilluar së bashku makina elektrike të përballueshme, një vit pasi ranë dakord të punonin së bashku në një përpjekje për të mposhtur Tesla-n.
