Princi Harry dhe Princi William nuk kanë asnjë arsye për t’i dhënë fund grindjes mes tyre para “Platinum Jubilee” që do të zhvillohet vitin e ardhshëm ku do të ketë festime për 70 vitet e mbretëreshës në fron, pohon një ekspert mbretëror. Komentuesi mbretëror Nick Bullen thotë se vëllezërit “nuk ka gjasa” të arrijnë në “ndonjë zgjidhje” në muajt e ardhshëm, por “Platinum Jubilee” i Mbretëreshës mund të jetë një kohë e përsosur për të shëruar përçarjen e tyre në qershor të vitit 2022.
Unë mendoj se ka shumë pak gjasa që ne të shohim ndonjë zgjidhje midis vëllezërve shumë shpejt. Gjithçka që më kanë thënë është se është ende mjaft e vështirë për ta. Natyrisht, ata kanë folur dhe kanë kaluar kohë me familjen e nënës së tyre.
Por nuk ka asnjë arsye të vërtetë që ata të jenë përsëri publikisht deri në “Platinum Jubilee” vitin e ardhshëm.
Mbretëresha Elizabeth II do të jetë monarkja e parë britanike që do të festojë 70 vite në fron gjatë një feste bankare katër-ditore midis 2 dhe 5 qershorit të vitit të ardhshëm. Planet përfshijnë një paradë në “Trooping the Color” të enjten, një koncert në Pallatin “Buckingham” të shtunën dhe një konkurs në Londër të dielën. Festat në rrugë pritet të zhvillohen në të gjithë Mbretërinë e Bashkuar, me anëtarët e familjes mbretërore duke bërë vizita zyrtare në të gjithë vendin dhe në Komonuelthin gjatë vitit.
Shumë festime dhe gëzim për këtë arsye kaq të veçantë sigurisht, dhe pse jo mos të shërbejë si një arsye për vëllezërit për të lënë pakënaqësitë mënjanë. Kujtojmë se marrëdhëniet në familjen mbretërore vazhdojnë të mbeten të tensionuara, me largimin e Meghan dhe Harry që i trazuan edhe më shumë ujërat.
