Ylli i muzikës pop Shakira, e cila disa kohë më parë u nda me futbollistin Gerard Pique me arsyetimin se ai e tradhtoi është parë së fundmi duke notuar në lumë me këngëtarin latin Rauw Alejandro.
Sipas mediave rozë, dyshohet se mes tyre mund të ketë një flirt të mundshëm, megjithatë asgjë nuk është e konfirmuar, megjithëse çifti është parë shumë i afërt me njëri-tjetrin.
Shakira dhe këngëtari latin Rauw Alejandro dihet se janë miq të ngushtë dhe kanë bashkëpunuar në këngën e tyre “Te Felicito” vitin e kaluar. Këngëtarja është përfolur muajt e kaluar për një lidhje të mundshme me pilotin e Formula 1, Louis Hamilton, por edhe me aktorin hollivudian, Tom Cruise. Rikujtojmë se Rosalia dhe Rauw Alejandro i kanë dhënë fund lidhjes së tyre.
Çifti, i cili njoftoi fejesën e tyre në mars janë ndarë pas më shumë se tre vitesh së bashku. Burimet thonë se pavarësisht dashurisë dhe respektit që këngëtarët kanë për njëri-tjetrin, të dy kanë rënë dakord t’i japin fund fejesës. Rosalia dhe Alejandro u lidhën për herë të parë në gusht 2021 dhe e bënë publike me romancën e tyre muajin e ardhshëm në mediat sociale. Së fundmi Rauw Alejandro, ka folur kundër akuzave se tradhtia ishte ajo që çoi në ndarjen e tij nga Rosalia.
