Artistja shqiptare me famë botërore, Dua Lipa, ka qenë e ftuar së fundmi në emisionin “60 Minutes”. Gjatë kësaj interviste, ajo gjithashtu tregoi pse në këngët e saj nuk flet asnjëherë për jetën e saj private.
“Dëgjova disa shkrimtarë që thanë se përmes këngëve tua, ata nuk e kanë ndonjë sens rreth asaj që ti je. Nuk i shpreh dëshirat e tua të brendshme apo frikën më të madhe?”, ishte pyetja e gazetarit që i shtroi artistes shqiptare.
Dua shtoi se kjo është diçka të cilën e shmang natyrshëm në krijimet e saj.
“Disa njerëz janë kaq të pamëshirshëm me jetën e tyre private, saqë vendosin t’i nxjerrin të gjitha në një këngë, sepse e dinë se ajo do të tërheqë vëmendjen e njerëzve. Për mua, është gjithmonë e rëndësishme të bëj muzikë që njerëzit e duan me të vërtetë, jo sepse po e vendos dikë keq dhe po e kritikoj në publik, apo sepse po e bëj për klikime në kurriz të dikujt tjetër”, deklaroi ajo mes tjerash.
