Vetëm disa ditë pas Javës së Modës në Milano, Donatella Versace po bën bujë në rrjet jo për koleksionin e saj pranverë-verë 2024, por për qëndrimin e saj ndaj politikave anti-LGBTQ+ të qeverisë italiane.
Në një fjalim plot pasion në një ceremoni në Milano të dielën mbrëma, stilistja denoncoi koalicionin e kryeministres së ekstremit të djathtë Giorgia Meloni për masat e vazhdueshme për të kufizuar të drejtat e LGBTQ+, duke përfshirë një shtrëngim ndaj prindërve të të njëjtit seks.
Versace mori duartrokitje të vazhdueshme për komentet teksa pranoi një çmim për barazi dhe përfshirje në CNMI Sustainable Fashion Awards. Ajo u shpreh:
Këtu në Itali, nuk ka qenë kurrë më e rëndësishme për ne që të mbrojmë zërat e pakicave. Qeveria jonë është e vendosur të heqë të drejtat e individëve për të jetuar ashtu siç dëshirojnë. Liria për të ecur në rrugë me kokën lart dhe pa frikë, cilido qoftë identiteti juaj. Liria për të krijuar një familje dhe për të jetuar ashtu siç duam. Liria për të dashur atë që duam. Të gjithë e kemi për detyrë të luftojmë për lirinë tonë.
Megjithëse Italia legalizoi bashkimet civile të të njëjtit seks në vitin 2016, vendi nuk lejon martesat e të njëjtit seks, surrogatën, qëndrime që grupet e të drejtave ia atribuojnë kundërshtimit nga Kisha Katolike. Një politikë e re e diskutueshme, e aluduar nga Versace në fjalimin e saj, ka parë kërkesën e ministrisë së brendshme që zyrtarët të regjistrojnë vetëm një prind biologjik në certifikatat e tyre të lindjes.
Në një kohë kur njerëzit trans janë ende viktima të dhunës së tmerrshme, kur fëmijët e çifteve të të njëjtit seks nuk konsiderohen fëmijët e tyre dhe kur pakicat janë në shënjestër nga legjislacioni i ri… ne kemi ende shumë për të bërë.
