Nëse në pjesën e parë të këtij programi do të argëtoheni vetëm me muzikë ‘house’ dhe ‘deep house’ nga Miami Vegas, në pjesën e dytë të “Selected By” vjen një shumëllojshmëri muzike nga Dj Algerti.
Ai është padyshim një nga emrat më të njohur në jetën e natës në Tiranë. Pasioni i tij për muzikën ka nisur që në moshë të vogël ku ka filluar lidhja mes tij dhe muzikës elektronike. Kryesisht ai është frymëzuar nga Chemical Brothers, Moby, Armin van Buuren, Dj Tiesto dhe Dori Dj të cilat i ka ndjekur përmes Top Albania Radio.
Që në moshën 17-vjeçare nisi karrierën në një nga klubet më të njohura të kryeqytetit, “Living Room” e cila ishte edhe një hap i madh, pasuar më vonë nga klube të tjera të njohura në vend. Prej 5 vitesh i vendosur në Hamburg, Gjermani ku jeton së bashku me familjen e tij. Momentalisht ai është përqendruar në produksionin e muzikës ku së shpejti pritet të lançojë edhe një EP në rrymën ‘house’.
Sonte ai sjell disa nga punimet më të bukura të tij elektronike dhe jo vetëm por këto duam që ju t’i zbuloni në “Selected By” në orën 20:00.
