Infertiliteti është një nga problemet kryesore me të cilat ndeshen çiftet e reja. Edhe pse shkaku shpesh kërkohet tek femrat, infertiliteti mashkullor është përgjegjës në të paktën gjysmën e rasteve. Por cili është shkaku i infertilitetit mashkullor?
Për fat të keq shumë pak dihet për shkaqet e infertilitetit te meshkujt e shëndetshëm se sa te infertiliteti femëror. Shkaku mund të lidhet gjenetikisht me gjenin NR5A1, i cili besohet të jetë përgjegjës për cilësinë e farës. Nga ana tjetër, hulumtimet tregojnë se mënyra e jetesës, puna në zyrë, stresi kronik, përkeqësojnë cilësinë e spermës dhe po ashtu rrisin rrezikun e kancerit të testikujve dhe prostatës. Pesha dhe shpërndarja e yndyrës ndikojnë drejtpërdrejt në fertilitet, ndërkaq aktiviteti fizik përveç humbjes së peshës, përmirëson edhe fertilitetin.
Kini kujdes me alkoolin
Fertiliteti dhe alkooli i tepërt nuk shkojnë mirë bashkë, kështu që nëse dëshironi fëmijë, qëndroni të paktën tre muaj pa alkool ose maksimumi pini një gotë në ditë.
Duhanpirja
Edhe pse cigarja nuk ndikon drejtpërdrejt në numrin e spermatozoideve, ndikon në ADN-në e spermatozoideve dhe është një nga arsyet kryesore të infertilitetit. Nëse dëshironi fëmijë kërkohet minimumi tre muaj pa pirë cigare.
Dushi
Rekomandohet të bëni dush edhe me ujë të ftohë në fund. Gjatë një studimi për infertilitetin mashkullor, 45% e meshkujve u vërtetua se përmirësojnë fertilitetin pas gjashtë muajve dush me ujë të ftohtë në fund.
Reduktoni stresin
Stresi ndikon jo vetëm në fertilitet, por edhe në impotencë. Bëni aktivitet fizik, është mënyra më e mirë dhe më e lirë për të reduktuar stresin, nisni meditimin, gjeni kohë për veten gjatë ditës dhe bëni diçka që ju relakson.
Reduktoni kafenë dhe pijet me kafeinë
Më e mira do të ishte që t’i ndaloni të paktën për 2-3 muaj.
Mos e teproni me bukën integrale
Buka integrale përmban disa përbërës që pengojnë në mënyrë të drejtpërdrejtë përthithjen e zinkut, minerali më i rëndësishëm për fertilitetin mashkullor.
Pini çaj jeshil
Përmirëson fertilitetin, rrit energjinë dhe përmirëson shëndetin tek meshkujt.
Mos konsumoni ushqime të gatshme
Nëse keni mundësi sa më shumë fruta dhe zarzavate. Mos blini ushqime të mbështjella me plastikë. Pini ujë nga shishe qelqi dhe jo nga shishja plastike.
Sipas gjetjeve të një studimi të ri japonez, meshkujt që bëjnë hapa të vegjël kanë 40% më shumë gjasa të vuajnë nga impotenca sesa ata që bëjnë hapa të gjatë. Mediat e huaja shkruajnë se e gjitha varet nga forca e muskujve të legenit të tyre, me muskuj më të fortë që përmirësojnë aftësinë për të marrë dhe mbajtur një ereksion. Nëse muskujt tuaj të legenit nuk kanë qenë me të vërtetë një prioritet deri më tani, mbase duhet të jenë.
