Shkencëtarët thonë se dhitë mund të bëjnë dallimin midis një zëri të lumtur njerëzor dhe një zëri të zemëruar. Studiuesit mendojnë se kafshët mund të kenë zhvilluar një ndjeshmëri ndaj tonit të zërit tonë për shkak të historisë së tyre të gjatë të punës ekipore me njerëzit. Ekspertët thonë se kjo tregon se dhitë kanë inteligjencë emocionale dhe se ato janë gjithashtu në gjendje të përshtaten me praninë e njerëzve.
Studimi u krye nga një ekip ndërkombëtar shkencëtarësh të bashkë-drejtuar nga profesori Alan McElligott. Në studim morën pjesë 27 dhi meshkuj dhe femra, të racave dhe moshave të ndryshme, të cilat të gjitha ishin mësuar të trajtoheshin nga njerëzit. Nëpërmjet një altoparlanti, dhive u luajtën zërat e njerëzve duke thënë frazën ‘hej, shiko këtu’ me një zë të gëzuar ose të zemëruar.
Ekspertët zbuluan se dhitë reaguan ndaj një ndryshimi në tonin e zërave të njeriut pasi ato prireshin të kalonin më gjatë duke vështruar drejt folësit kur zëri kalonte nga më i gëzuar në një më të zemëruar, ose anasjelltas. Studimet e mëparshme nga profesor McElligott kanë treguar se dhitë ashtu si qentë dhe kuajt mund të lexojnë shprehjet e fytyrës njerëzore, por ekipi thotë se tani nevojiten më shumë kërkime.
