Shumica e njerëzve preferojnë të flenë me jastëk, por ka dhe nga ata që nuk i preferojnë dhe nuk i përdorin fare. Sipas disa hulumtimeve mund të themi se këta të fundit, kanë një shëndet më të mirë sesa ata që flenë me jastëk. Kjo gjë ndodh sepse jastëkët ndikojnë në shëndetin e trupit dhe gjendjen tuaj shpirtërore.
Shmang dhimbjet e shpinës. Mbajtja e më shumë se një jastëku poshtë kokës mund të çojë në një pozicion të paqëndrueshëm të gjumit. Kështu ju do të keni dhimbje shpine. Por, kur flini pa jastëk, shtylla kurrizore mund të pushojë dhe trupi juaj është në pozicionin e tij normal.
Ju ndihmon të shpëtoni nga dhimbjet e qafës. Shumica e jastëkëve nuk ju ndihmojnë të flini në pozicionin e duhur dhe mund të përkeqësojnë gjumin. Përkulja e qafës në çfarëdo mënyre për një kohë të gjatë do ju bëjë të keni dhimbje. Nëse flini pa jastëk, do të ndiheni më mirë.
Lufton dhimbjet e kokës. Nëse po zgjoheni me një dhimbje koke, mund të jetë për shkak të jastëkut juaj. Jastëkët që janë shumë të lartë bëjnë që koka dhe qafa juaj të rrumbullakosen përpara dhe ato shtojnë më shumë tension në muskujt e qafës. Kjo mund t’ju japë një dhimbje koke në mëngjes pasi të jeni ngritur nga shtrati.
Lehtëson stresin. Nëse jastëku juaj ju bën të mos ndiheni rehat gjatë natës, mund të përfundoni pa fjetur fare. Sa më shumë shqetësime të keni me gjumin, aq më shumë stres do merrni. Prandaj, provon ta hiqni jastëkun, nëse doni një gjumë të qetë.
Parandalon shfaqjen e akneve në fytyrë. Lëkura e fytyrës tuaj, gjatë gjithë natës qëndron e ngjitur pas jastëkut. Ju ndoshta nuk e lani jastëkun tuaj çdo ditë, dhe ai mbledh papastërti, vaj dhe pluhur shtëpiak mbi të. E gjithë kjo mund të çojë në krijimin e akneve, inflamacion dhe rrudha të parakohshme.
