Aktori i njohur i Koresë së Jugut, Oh Young-soo, një nga yjet e filmit të suksesshëm të Netflix ‘Squid Game’, është shpallur fajtor për sulm seksual ndaj një gruaje në vitin 2017. Në vitin 2022, aktori 79-vjeçar u bë koreano-jugori i parë që fitoi një ‘Golden Globe’ për aktorin më të mirë dytësor në një serial dramë për portretizimin e tij të një të moshuari të pambrojtur në thrillerin e Netflix.
Oh Yong-soo u dënua me tetë muaj burg të pezulluar për dy vjet dhe iu kërkua të ndiqte 40 orë trajnime për parandalimin e dhunës seksuale. Autoritetet filluan ta hetojnë atë në vitin 2022 pas një ankese të vitit 2022 se ai kishte sulmuar dy herë seksualisht një grua të paidentifikuar pesë vjet më parë. Më shumë se 100 milionë njerëz e kanë parë ‘Squid Game’ në Netflix që kur filloi të transmetohej në vitin 2021 dhe mbetet një nga serialet më të njohura të platformës.
I lindur në vitin 1944 në atë që tani është një qytet kufitar i Koresë së Veriut të Kaepung, O konsiderohet si një nga aktorët më të mëdhenj të skenës në Korenë e Jugut, duke u shfaqur në më shumë se 200 produksione skenike që nga viti 1963 dhe duke fituar një numër çmimesh të mëdha.
Ai gjithashtu ka luajtur shumë personazhe karizmatike në filma dhe shfaqje televizive. Rikujtojmë, se Yeong-su gjithashtu foli për “Sindromën e Squid Game” dhe tha se shumë njerëz po përpiqen ta kontaktojnë atë pas famës, saqë atij i është dashur që vajza e tij ta ndihmojë atë.
Ndihem sikur po notoj në ajër. Unë duhet të qetësohem, të organizoj mendimet e mia dhe të mbaj veten në kontroll tani. Shumë njerëz më kanë kontaktuar dhe për shkak se nuk kam një menaxher për të më ndihmuar, është e vështirë për mua të përballoj volumin e thirrjeve dhe mesazheve që kam marrë. Kështu që vajza ime më ka ndihmuar. Gjërat kanë ndryshuar mjaftueshëm. Edhe kur dal në një kafene apo diku tjetër, tani duhet të jem i vetëdijshëm se si u shfaqem të tjerëve. Më ka bërë të mendoj: ‘Të jesh i famshëm është gjithashtu e vështirë.’
