Tito Jackson, anëtar i njohur i grupit të famshëm familjar The Jackson 5 dhe vëllai i legjendave Michael Jackson dhe Janet Jackson, ka ndërruar jetë në moshën 70 vjeçare. Djemtë e tij, Taj, TJ dhe Taryll, kanë ndarë me publikun ndjenjat e tyre të thella të pikëllimit dhe tronditjes për humbjen e babait të tyre.
Në një postim të përbashkët në Instagram për llogarinë e grupit të tyre 3T, ata shkruan:
Me zemër të rëndë ju njoftojmë se babai ynë i dashur, Rock & Roll Hall of Famer Tito Jackson nuk është më me ne. Jemi të tronditur, të pikëlluar dhe të thyer në zemër.
Ata vazhduan duke përshkruar babain e tyre si një “njeri të jashtëzakonshëm që kujdesej për të gjithë dhe mirëqenien e tyre.” Djemtë e tij theksuan se Tito ishte njohur me emra të ndryshëm, si “Tito Jackson nga Jackson 5”, “Trajneri Tito”, dhe “Poppa T”, dhe se ai do të mungojë thellësisht.
Sipas Entertainment Tonight, i cili ishte i pari që raportoi lajmin, Tito Jackson vdiq më 15 shtator 2024, pas një ataku të rëndë në zemër. Siggy Jackson, nipi i Titos, ka konfirmuar lajmin e ndarjes nga jeta për revistën PEOPLE.
Në përfundim, djemtë e Titos e përfunduan postimin e tyre duke inkurajuar të tjerët të ndjekin mësimet e babait të tyre, duke thënë:
Ju lutemi mos harroni të bëni atë që babai ynë gjithmonë predikonte dhe kjo është ‘Duajeni njëri-tjetrin’. Të duam Pops.
Tito Jackson la pas vetes një trashëgimi të pasur muzikore dhe do të kujtohet gjithmonë për kontributin e tij të rëndësishëm në muzikë dhe si një figurë e dashur për ata që e kanë njohur.
