Mbrëmjen e djeshme në “Big Brother VIP” ka ndodhur një debat midis Einxhel dhe Donaldit i cili agravoi shumë. Shkaku duket se ishte një situatë e ndodhur që nga jashtë mes dyshes, por që as njëri as tjetri nuk e kishte zbuluar shkakun e vërtetë, apo versionin e tyre të historisë, duke e lënë gjithnjë pezull si diskutim. Kjo deri mbrëmjen e kaluar.
Gjithçka nisi nga një klip ku Einxhel u shpreh se Donaldi dhe Romeo janë bërë të famshëm vetëm prej ish-të dashurave të tyre. Më pas Donaldi tregoi se Einxhel nuk ishte aspak korrekte në punë gjatë kohës që bashkëpunonin. Einxhel tregoi se gjatë kohës që kishte punuar me Donaldin dhe vëllain e tij, Romeon, ata nuk ishin treguar korrektë në punë, duke e lënë të presë më orë të tëra, e duke mos e paguar. Ajo tha se dëshmitare për këtë është edhe Mariana Kondi, pasi sipas saj, as aktorja nuk ishte paguar nga djemtë.
Ndërkohë që debati ka përfunduar dhe që produksioni i ka bërë me dije se nuk duhet të përmendin persona të tretë, të gjithë kanë pritur një reagim nga aktorja për të verifikuar deklaratën e Einxhel. Marjana ka postuar në llogarinë e saj të Instagram një foto me një ikonë, ku ka shkruar:
Pa fjalë.
Nuk dihet nëse Mariana ka dashur ta mohojë apo ta pohojë deklaratën e Einxhel. Ndërkohë që debati mes Einxhel dhe Donald u komentua shumë edhe në studio nga opinonistët por edhe ish-banorët, duke u cilësuar si shumë i ulët dhe që nuk ishte e nevojshme të përfshinin persona të tretë në këtë situatë.
