Detaje të tjera kanë dalë në pah nga telefonata e 911 që u bë kur reperi, këngëtari dhe aktori amerikan Aaron Carter u gjet i vdekur në një vaskë në shtëpinë e tij. Telefonata në 911 është bërë nga një shërbëtore që zbuloi trupin e Carter dhe personi i cili mori thirrjen ka zbuluar disa nga detajet shqetësuese. Sipas TMZ, njësitë u dërguan në vendngjarje rreth orës 11 të mëngjesit të së shtunës. The Sun raportoi gjithashtu se fqinjët përreth shtëpisë së Carter-it në Kaliforni mund të dëgjonin kujdestaren e shtëpisë duke bërtitur:
Ai ka vdekur, ai ka vdekur.
Ndërkohë një një përfaqësues i këngëtarit 34-vjeçar konfirmoi për Page Six të shtunën se:
Me keqardhje të madhe konfirmoj se Aaron Carter u gjet i pajetë këtë mëngjes në shtëpinë e tij në Palmdale. Familja është njoftuar dhe do të fluturojë për në Los Anxhelos. Aaron punoi shumë deri në fund të jetës së tij, për të qenë një baba i mirë dhe për të korrigjuar gabimet që kishte bërë me familjen e tij.
Asnjë shkak zyrtar i vdekjes nuk është bërë ende i ditur për publikun. Carter ishte në një lidhje me Melanie Martin dhe ajo u fotografua duke qarë jashtë shtëpisë ku u gjet trupi i Carter. Ajo ka postuar një foto të saj dhe Carter duke u puthur në Instagram Story, duke shkruar:
Nuk mund të marr frymë.
Trupi u gjet në shtëpinë e Carter në Kaliforni. Ajo më vonë lëshoi një deklaratë, ku shkruhej:
Ne jemi ende në proces të pranimit të këtij realiteti fatkeq. Mendimet dhe lutjet tuaja vlerësohen shumë.
Carter është vëllai i anëtarit të Backstreet Boys, Nick Carter dhe ai ka folur për humbjen e papritur të 34-vjeçarit.
