Cristiano Ronaldo ka ndezur thashethemet se ai dhe e dashura e tij prej kohësh Georgina Rodriguez janë martuar. Ylli 39-vjeçar e bëri deklaratën për partneren gjatë një videoje stërvitjeje për markën e tij të fitnesit, Whoop, e cila u publikua në Instagramin e kompanisë. Gjatë intervistës në palestrën e shtëpisë së tij, ai ndau disa nga gjërat që bën në kohën e lirë. “Gjëja më e rëndësishme është se nuk është ajo që bëni, por duhet të bëni”-tha ai. “Kur nuk jam duke u stërvitur në klub, më pëlqen të punoj me gruan time në shtëpi sepse mund ta shtyj atë dhe ajo mund të më shtyjë mua”.
Në komentet e videos në Instagram, e cila ka më shumë se 529 mijë pëlqime, shumë fansa vazhduan të pyesin nëse atleti po i referohet Rodriguez si gruaja e tij, sepse u martua. “A tha gruaja ime? A janë martuar tani fshehurazi?”-shkroi një përdorues i Instagramit. “Ai tha gruaja ime, olalaaa”-tha tjetri. Ronaldo ka ndarë më parë mendimet e tij rreth martesës me Rodriguez, me të cilin është në lidhje që nga viti 2017. Ata kanë bashkë dy fëmijë, një vajza Alana dhe një tjetër Bella që erdhi në jetë në 2022.
Së fundmi ristiano Ronaldo u ankua në një intervistë të fundit për “Will to Act” per shpenzimet e djalit të tij të madh, Cristiano Ronaldo Jr., te cilat duket se janë shumë të larta. “Ai shpenzon mbi 35 mijë euro në javë për prerje flokësh, veshje, restorante dhe për të dashurat e tij. E di që është i ri dhe dëshiron gjithçka, por mendoj se është shumë për një fëmijë të moshës së tij”-tha ylli i futbollit.
Cristiano Ronaldo Jr. është 14 vjeç dhe luan futboll. Ai është arsimuar në akademitë e futbollit të klubeve ku luan babai i tij. “Tani i jap vetëm 13 mijë euro në javë, por Georgina ende mendon se është shumë. I shpenzon të gjitha në restorante, dalje dhe gjëra të tjera që nuk janë të dobishme”-theksoi më tej ylli i futbollit. Cristiano Ronaldo Jr. ka lindur në qershor 2010 në San Diego të Kalifornisë dhe ende nuk dihet se kush është nëna e tij. Futbollisti ka gjithsej pesë fëmijë, dy me të fejuarën e tij, Georgina Rodriguez dhe tre të tjerë nga nëna surrogate.
