Big Brother Vip Albania është një fenomen social që mbërthen fort jo vetëm vëmendjen por edhe debatin publik. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektaklit arriti të gozhdonte para ekranit teleshikuesit dhe rezultoi të ishte mjaft i suksesshëm. Për efektet e këtij formati të gjithë kanë diçka për të thënë, si ata që e shijojnë e argëtohen, por edhe ata që janë kundër. Por, të gjithë janë dakord në një pikë: “Big Brother” nuk lë askënd indiferent.
Ajo që ndodh në shtëpinë e “Big Brother VIP”, padyshim që është më e ndjekura e më e komentuara në rrjetet sociale, si edhe në jetën e përditshme. Në lidhje me audiencën shumë të madhe të këtij spektakli ka mendime të ndryshme. Suksesi ka kaluar kufijtë e një spektakli në ekranin e televizorit e tani jemi përballë një fenomeni social që mund të quhet edhe si “Big Brother Mania”.
Kanë kaluar tashmë mbi 100 ditë nga nisja, teksa finalja e këtij edicioni të “Big Brother” është më 25 maj. Ndërkohë, lufta sa vjen e bëhet edhe më e fortë, teksa banorët duan të fitojnë çmimin e madh. I ftuar sot në “Big Brother Radio” ishte Isli Islami, i cili bëri një analizë të detajuar mbi banorët dhe situatat e “BBV3”. Ndërkohë, kush do shkojë në finale sipas tij?!
Unë mendoj që publiku ka të preferuarit e tyre. por për t’i grumbulluar e për të fituar njëri, është ende herët. Heidi ka mbështetje, ka një lloj ëmbëlsie edhe në debate. Romeo ka fansat e tij. Egla është virale në TikTok. Unë mendoj që finalja do të ndahet mes Eglës, Julit, Romeo, Heidit, Meritonit. Unë mendoj këta të pestë. Për mua Meritoni del o i pari o i dytë dhe Heidi poashtu. Pra do luhet mes atyre të dyve. Mendoj që Meritoni ka goxha fansa. Ka luajtur aty thuajse 100%.
