Të premte në orën 18:00 të gjithë sytë e futbolldashëve do jenë të drejtuar në stadiumin e Stuttgartit, aty ku luhet sfida çerekfinale e Euro 2024 mes Spanjës dhe Gjermanisë organizatore. Mediet vendase bëjnë me dije se çmimet për një biletë tanimë kanë shkuar deri në 12 mijë euro.
Gazeta “Bild” flet për këtë ndodhi, duke iu referuar shitësve me pakicë. Madje flitet për bileta që variojnë nga 6 mijë deri në 12 mijë euro për vende jo shumë të privilegjuara apo larg fushës. Në Gjermani ka një pritje të madhe për ndeshjen për një lloj hakmarrjeje kundër Spanjës.
Iberikët eliminuan gjermanët në 2008 dhe 2010 dhe në të dyja rastet fituan Evropianin dhe Kupën e Botës, ndaj ky do ishte një moment i mirë për të “marrë hak” kundër një ekipi rival.
