Të gjithë duam të jemi të shëndetshëm, por disa nga zgjedhjet tona, qofshin të vetëdijshme apo të pavetëdijshme, mund të na dëmtojnë mendjen dhe jetën tonë.
Pavarësisht nga rutina jonë e përditshme, një gjë është e sigurt: problemet e zemrës janë të zakonshme ndaj dhe ne duhet të kemi sa më shumë kujdes.
Po cilat janë zakonet e dëmshme të përditshme për zemrën?
Bëni jetë sedentare
Nuk ka dyshim se ritmi i jetës moderne është tepër i shpejtë dhe shumë prej nesh janë nën presion për të shtuar më shumë lëvizje në jetën tonë të përditshme. Megjithatë, një mënyrë jetese e ulur është e dëmshme. Zemra jonë është një muskul dhe duhet të lëvizë në mënyrë që të funksionojë siç duhet dhe të qëndrojë e fortë.
Konsumoni ushqime jo të shëndetshme
“Fast food” nuk është aq i keq, por marrja e tepërt e yndyrave të ngopura dhe trans, ushqimeve të përpunuara, kripës dhe sheqerit rrit rrezikun e sëmundjeve të zemrës. Jepini përparësi frutave, perimeve, drithërave, proteinave pa yndyrë dhe yndyrave “të mira”.
Pini duhan
Dihet se pirja e duhanit dëmton enët e gjakut dhe rrit presionin e gjakut dhe nivelet e kolesterolit, por ne duket se nuk i marrim seriozisht këto efekte. Lënia e duhanit është një nga gjërat më të mira që mund të bëni për shëndetin e zemrës.
Alkooli
Konsumimi i tepërt i alkoolit mund të shkaktojë presion të lartë të gjakut, dëmtim të zemrës dhe goditje në tru.
Stresi i pakontrolluar
Stresi i pakontrolluar mund të rrisë presionin e gjakut, të rrisë rrahjet e zemrës dhe të kontribuojë në zgjedhje jo të shëndetshme në stilin tonë të përgjithshëm të jetesës. Teknikat efektive të menaxhimit të stresit si meditimi, joga dhe frymëmarrja e thellë mund të ndihmojnë në mbrojtjen e zemrave tona.
Gjumi i pamjaftueshëm
Mungesa e gjumit gjatë natës është një çështje shëndetësore, duke përfshirë problemet e lidhura me zemrën. Rekomandohet që të paktën të 7-9 orë gjumë çdo natë.
Higjiena e gojës
Higjiena e dobët orale mund të ndikojë në shëndetin e zemrës. Bakteret mund të arrijnë në valvulat e zemrës në qarkullimin e gjakut, duke ushtruar presion mbi to dhe përfundimisht duke shkaktuar këputje të tyre.
