Pa dyshim, kultura koreane po fiton gjithnjë e më shumë hapësirë në skenën ndërkombëtare. Nga fitimi i Çmimit të Oskarit për “Filmin më të Mirë” nga “Parasite” (2019), te BTS që dominon top listat globale, dhe seri si “Squid Game” që janë bërë një fenomen global, përmbajtja koreane ka marrë vëmendje të jashtëzakonshme.
“Entertainment Weekly” ka përzgjedhur 20 serialet koreane (K-drama)më të mira që mund të shikoni në Netflix, përfshirë disa nga hitet më të mëdha si “Hellbound” dhe “Extraordinary Attorney Woo”.
Kjo listë ofron diçka për të gjithë, qoftë për ata që kërkojnë romanca të mëdha (Our Beloved Summer”), drama rinore (“Boys Over Flowers”) ose thriller të tensionuar (“Kingdom”). Ja 20 serialet koreane më të mira në Netflix aktualisht:
All of Us Are Dead (2022–në vazhdim)
Seriali “All of Us Are Dead” tregon një shpërthim zombie në një shkollë të mesme, ku nxënësit duhet të luftojnë kundër të vdekurve të ngjallur dhe të navigojnë gjithashtu me politikat e moshës së tyre. Përdorimi i trukeve të zgjuara dhe përshkrimi i dhunës i jep asaj një ndjesi të veçantë.
Boys Over Flowers (2009)
Një prej dramave më të njohura dhe me ndikim, “Boys Over Flowers” është një histori dashurie për një vajzë të varfër dhe një djalë të pasur, që përfshin një seri ngjarjesh plot dramë dhe intrigë. Kjo është një nga dramat më të kultivuara në kulturën koreane.
Business Proposal (2022)
Një romancë që përfshin një takim të gabuar që shndërrohet në një marrëdhënie që zhvillohet mes një punonjëse dhe shefit të saj, “Business Proposal” është një serial komedi, i mbushur me kthesa interesante.
Crash Landing on You (2019–2020)
“Crash Landing on You” është një histori dashurie mes një gruaje të pasur nga Koreja e Jugut dhe një kapiteni ushtarak të Koreas së Veriut, që zbulohet pas një aksidenti ajror. Ngjarjet që zhvillohen do t’ju lënë pa fjalë!
D.P. (2021–2023)
“D.P.” është një dramë që eksploron shërbimin ushtarak të detyrueshëm në Korenë e Jugut, dhe përfshin tema të dhunës dhe korrupsionit që ndodhin brenda ushtrisë.
Extraordinary Attorney Woo (2022–në vazhdim)
Historia e një avokateje me autizëm, “Extraordinary Attorney Woo”, një rrëfim emocional mbi sfidat e jetës dhe të punës për një person me nevoja të veçanta. Ky serial tregon fuqinë e individëve për të kapërcyer pengesat dhe për të gjetur dashurinë.
Hellbound (2021–në vazhdim)
Në një botë ku një entitet hyjnor njofton njerëzit për dënimin e tyre të sigurt në ferr, “Hellbound” është një telenovelë e errët dhe provokuese që trajton besimin dhe moralin në shoqëri.
Hometown Cha-Cha-Cha (2021)
Një histori plot romancë e ëmbëlsi, “Hometown Cha-Cha-Cha” tregon për një vajzë nga qyteti që zhvendoset në një fshat të vogël ku gjen dashurinë si dhe një komunitet të ngrohtë.
It’s Okay to Not Be Okay (2020)
Një dramë që trajton tema të shëndetit mendor, “It’s Okay to Not Be Okay” merret me plagët e brendshme, traumat, dhe shërimin emocional, duke ofruar një përvojë të thellë dhe të ndjeshme.
A Killer Paradox (2024–në vazhdim)
Një thriller që përfshin një njeri të zakonshëm që befas shndërrohet në një vrasës të ftohtë, “A Killer Paradox” eksploron moralin dhe ndihmën që gjejmë në situata të pasigurta.
Kingdom (2019–2021)
Një seri që kombinon intrigën politike me horrorin e zombie, “Kingdom” ndjek një princ të cilit i duhet të shpëtojë mbretërinë e tij nga një virus që kthen njerëzit në të vdekur.
Little Women (2022)
“Little Women” ofron një version të errët të tregimit klasik, duke e kthyer historinë e tri motrave në një thriller, ku ato përballen me pasuri të vjedhura dhe intriga të rrezikshme.
Mr. Sunshine (2018)
Një dramë historike që ndjek një oficer së marinës amerikan i cili kthehet në Korenë e Jugut dhe angazhohet në një luftë për liri kundër pushtimit të Japonisë. Sigurisht që nuk mungon romanca…
Our Beloved Summer (2021–2022)
Një histori nostalgjike për dashurinë e parë, “Our Beloved Summer” tregon dy ish-të dashuruar që duhet të kthehen të punojnë bashkë për të përballuar një projekt dokumentar që është bërë viral. Mënyra se si janë trajtuar skenat do t’ju mbërthejë pra ekranit.
Parasyte: The Grey (2024–në vazhdim)
Në një adaptim të dhunshëm të mangas, “Parasyte: The Grey” trajton një situatë të çuditshme ku një parazit merr kontrollin e trupave të njerëzve, duke krijuar një marrëdhënie të pazakontë me një vajzë që e mbijeton.
Physical: 100 (2023–në vazhdim)
Një lojë konkurruese që përfshin 100 individë të stërvitur fizikisht që garojnë në sfida të ndryshme, “Physical: 100” është një shfaqje e ngarkuar me energji dhe strategji.
Squid Game (2021–në vazhdim)
Një nga serialet më të shikuara në Netflix, “Squid Game” përshkruan një grup njerëzish që garojnë për një çmim të madh në lojëra të ndryshme fëmijësh, por me rrezikun e vdekjes në çdo hap.
Sweet Home (2020–në vazhdim)
Një histori që shfaq një djalë të ri dhe banorët e një kompleksi të shkatërruar apartamentesh, ndërkohë që përballen me monster që kanë filluar të shkatërrojnë qytetin.
A Time Called You (2023)
Një histori romantike që përfshin udhëtimin në kohë, “A Time Called You” bashkon dashurinë dhe misterin në një serial emocionuese dhe plot të papritura.
Twenty-Five Twenty-One (2022)
Në këtë histori do të shihni dy individë gjatë periudhës së rinisë dhe dashurisë së parë, “Twenty-Five Twenty-One” sjell një emocion të veçantë dhe mjaft nostalgjik për shikuesit, po duhet patur kujdes fundi i tij!
Me kaq shumë mundësi për të zgjedhur, këto seriale koreane janë më të mirat për ata që duan të zbulojnë përmbajtje të pasur dhe të larmishme që pasqyrojnë kompleksitetin e kulturës koreane.
