Big Brother Vip Albania është një fenomen social që mbërthen fort jo vetëm vëmendjen por edhe debatin publik. Këtë vit synimet janë akoma më të mëdha ndërsa shtëpia është më mbresëlënëse. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektaklit arriti të gozhdonte para ekranit teleshikuesit dhe rezultoi të ishte mjaft i suksesshëm. Dinamikat në shtëpinë e “Big Brother VIP” ndryshojnë në çdo moment.
Të papriturat në “Big brother VIP 3” nuk kanë fund. Tre të preferuarit e publikut, Ledjona, Heidi dhe Juli patën avantazh në spektaklin e mbrëmshëm që të çonin nga dy persona në nominim.
Rezultati ishte: Egla, Romeo, Meriton, Ilnisa, Roza, Graciano. Njëri prej 6 banorëve do të lërë shtëpinë më të famshme spektaklin e ardhshëm, ndërsa në shtëpi kanë nisur analizat dhe komentet për më të rrezikuarin.
Juli në një bisedë me Riken, në darkën e djeshme ka analizuar lojën e gjithsecilit dhe mendon se, çifti Meriton, Ilnisa nuk mund të eliminohet, Roza është lojtare e fortë, ndërsa sipas tij, Graciano është më i rrezikuari pasi mendon se nuk ka çfarë dinamikash të reja t’i japë shtëpisë.
