Së fundmi, ylli i muzikës pop Britney Spears ka reaguar pasi këngëtarja Christina Aguilera e hoqi nga rrjeti i saj social Instagram me pretendimin se Spears kishte bullizuar kërcimtaret e saj. Spears ka shpjeguar se ajo nuk kishte për qëllim të ofendonte apo të bullizonte as Christina-n dhe as ekipin e saj.
Do të doja të kisha zgjedhur kërcimtaret e mia… Domethënë nëse do të kisha kërcimtaret e Christina Aguilera do të dukesha jashtëzakonisht e vogël. Dua të them pse të mos flas për këtë? A nuk mendoni se vetëbesimi im do të kishte qenë pak më i mirë nëse do të mund të zgjidhja se ku do të jetoja, çfarë do të haja, me kë flisja në telefon, me kë do të dilja dhe kush duhet të ishte në skenë me mua?
Ditën e djeshme Britney ndau një tjetër postim, duke folur se si ndikimi i të qenit nën një vëzhgim kaq intensiv gjatë kulmit të famës së saj pati një ndikim në imazhin e trupit të saj. Ajo gjithashtu falënderoi Christina për frymëzimin dhe tha se është një fanse e punës së saj.
Kurrsesi nuk isha kritike ndaj trupit të bukur të Christina-s, është ashtu si është! Fluturova një herë për të parë shfaqjen e saj dhe kryesorja që vura re ishte diferenca e njerëzve tanë në skenë! Në asnjë mënyrë nuk përmenda Christina-n, shikoni postimin tim! Unë u frymëzova nga shfaqja e saj dhe ajo është një grua e bukur me fuqi… Faleminderit @xtina që më frymëzove. Të jem e sinqertë, nuk po përpiqem të jem kritike ndaj askujt. Ajo që postova është një projeksion i pasigurive me të cilat përballem gjatë gjithë kohës, si rezultat i mënyrës se si prindërit e mi dhe media më kanë trajtuar. Unë kurrë nuk do ta bullizoja me dashje dikë sepse e di se si ndihesh në këto raste. Unë luftoj me këtë për shkak të mënyrës se si ndihem për veten time, jo sepse e urrej se si duket dikush… Ndiej sikur familja ime e dinte që isha e pasigurt dhe njerëzit po përpiqeshin të ushqeheshin me qëllim në këtë pasiguri, duke mos më lënë të zgjidhja njerëzit që ishin në skenë me mua. Do ta vlerësoja që të gjithë të ishit të kuptueshëm me mua, ndërkohë që po kuptoj këtë jetë të re që po jetoj!
Ndërkaq, fansat e Britney-t janë shumë të shqetësuar për gjendjen e saj, pasi postoi një video duke qarë gjatë kohës që kërcente. Megjithatë, “Princesha e Popit” e përshkroi një veprim të tillë si çlirues dhe të domosdoshëm.
